مەملەكەت باسشىسى قاسىم-جومارت توقاەۆتىڭ اۋىل حالقىنىڭ ءومىر ءسۇرۋ ساپاسىن ارتتىرۋ جانە ەلدى مەكەندەردى گازداندىرۋ جونىندەگى تاپسىرمالارىن ىسكە اسىرۋ اياسىندا شۇبار اۋىلىندا تابيعي گازبەن جابدىقتاۋ جۇيەسى ىسكە قوسىلدى, دەپ حابارلايدى Egemen.kz.
ۇزىندىعى 74,2 شاقىرىمدى قۇرايتىن گاز قۇبىرى جوباسىن تسەلينوگراد اۋدانىنىڭ قۇرىلىس ءبولىمى جۇزەگە اسىردى. ناتيجەسىندە, شۇبار اۋىلىنداعى 400-دەن استام تۇرعىن ءۇي تابيعي گازعا قوسىلدى.
2024-2028 جىلدارعا ارنالعان ينۆەستيتسيالىق باعدارلاما اياسىندا «QazaqGaz Aimaq» اق-نىڭ ەلوردالىق وندىرىستىك فيليالى بىرقاتار ەلدى مەكەندەردە گاز قۇبىرلارىن سالۋ جۇمىستارىن قارقىندى جۇرگىزۋدە. اتاپ ايتقاندا, 2025 جىلعى اقپاندا تسەلينوگراد اۋدانىنىڭ نۇرلى اۋىلىندا دا تۇرعىندار تابيعي گازعا قول جەتكىزدى. 2020-2024 جىلدار ارالىعىندا اقمولا وبلىسىندا 657 شاقىرىم گاز قۇبىرى سالىنىپ, پايدالانۋعا بەرىلدى. ناتيجەسىندە 9 656 ءۇي گازبەن قامتىلدى. سوڭعى ءىرى جوبالاردىڭ قاتارىندا ارشالى اۋدانىنىڭ جىبەك جولى اۋىلىن گازداندىرۋ جانە «سارىارقا» ماگيسترالدى گاز قۇبىرىنىڭ ءبىرىنشى كەزەڭى اياسىندا 17 ەلدى مەكەندى قامتۋ جۇمىستارى بار.
اقمولا وبلىسى