وتاندىق ءونىمنىڭ ۇلەسىنىڭ ارتۋى – مەتاللۋرگيا, جەڭىل ونەركاسىپ جانە ەلەكترونيكا سالالارىندا بايقالىپ وتىر. تاۋارلاردىڭ ىشكى ءوندىرىسىنىڭ ۇلعايۋى ناتيجەسىندە يمپورتتىق ونىمدەر بىرتىندەپ اۋىستىرىلادى, دەپ حابارلايدى Egemen.kz
«وتاندىق وڭدەۋشى ونەركاسىپ كاسىپورىندارىن قولداۋدىڭ پارمەندى قۇرالدارىنىڭ ءبىرى رەتتەلەتىن ساتىپ الۋلارعا قاتىسۋعا باسىم قۇقىق بەرۋ بولىپ سانالادى», دەپ اتاپ ءوتتى ونەركاسىپ جانە قۇرىلىس ءمينيسترى ەرسايىن ناعاسپاەۆ.
ۇكىمەتتىڭ ءباسپاسوز قىزمەتىنىڭ مالىمدەۋىنشە وتاندىق تاۋارلاردىڭ 4 834 استام پوزيتسياسىنا باسىمدىق بەرىلگەن. بيىلعى 5 ايدىڭ قورىتىندىسى بويىنشا مەملەكەتتىك ورگاندار وتاندىق تاۋار وندىرۋشىلەرمەن 303 ملرد تەڭگە بولاتىن 96 مىڭنان استام كەلىسىمشارتقا وتىرعان, بۇل بىلتىرعى جىلمەن سالىستىرعاندا 3 ەسە جوعارى.