نارىقتى تۇراقتاندىرۋ: كوكونىستەر ارزاندادى, ينفلياتسيا باقىلاۋدا تۇر

ۇلتتىق ستاتيستيكا بيۋروسىنىڭ مالىمەتىنشە ازىق-ت ۇلىك ونىمدەرىنىڭ باعاسىنىڭ تومەندەۋى قيارعا – 37,1%, قىزاناققا – 19,8%, قىرىققاباتقا – 7,7%, بانانعا - 5,7%, جۇمىرتقاعا 2,4% بولدى. ءوز كەزەگىندە باعالار ليمونعا – 9,1%, الما – 6,1%, المۇرت – 5,2%, ءجۇزىم-5,1% وسكەن.

بيىلعى مامىر ايىندا التىن ساقيناعا باعا 4,6%, قۇرىلىس ماتەريالدارىنا – 1,1%, كيىم مەن اياق كيىمگە, جەكە پايدالانۋعا ارنالعان تاۋارلارعا – ارقايسىسى 0,8% قىمباتتاعان.

تۇرعىن ءۇي-كوممۋنالدىق قىزمەتتەر سالاسىندا سۋىق سۋعا تاريفتەر 4,2%, سۋ بۇرۋعا – 1,6%, تاراتۋ جەلىلەرى ارقىلى تاسىمالداناتىن گازعا – 1,5%, ەلەكتر ەنەرگياسىنا – 1,4% ءوستى. تەمىرجول كولىگىنىڭ قىزمەتى 2,1%, ساناتوريلەر قىزمەتى 2% قىمباتتاعان.

وڭىرلەر اراسىندا ەڭ تومەنگى ايلىق ينفلياتسيا قاراعاندى وبلىسىندا – 0,2%, استانا قالاسىندا – 0,3%, اقمولا, الماتى, ماڭعىستاۋ, تۇركىستان, ۇلىتاۋ وبلىستارىندا تىركەلدى – ارقايسىسىندا 0,6%.

2025 جىلعى مامىر ايى بويىنشا  ايماقتارداعى ينفلياتسيا دەڭگەيى: شقو 07%, اقتوبە, 0,8%, اباي, شىمكەنت قالاسى, جامبىل, قىزىلوردا, سقو 0,9% اتىراۋ 1,1% قوستاناي 1,2%, جەتىسۋ 1,3 %, بقو 1,4%, الماتى قالاسى 1,7%, پاۆلودار 2,0%.

2025 جىلعى مامىردا جىلدىق ماندە ينفلياتسيا دەڭگەيى 11,3% قۇراعان (ال, ساۋىردە 0,9). باعالار اقىلى قىزمەتتەرگە – 16% (ال ساۋىرگە 1,3), ازىق-ت ۇلىك تاۋارلارىنا – 9,6% (ساۋىردە 0,9), ازىق-ت ۇلىك ەمەس تاۋارلارعا 9% (ساۋىردە 0,6) جوعارىلادى.

جىلدىق ماندە قاراقۇمىق جارماسىنىڭ باعاسى 12% تومەندەدى, كۇرىش – 8,3%, ءتاتتى بۇرىش – 5,5%, قيار – 2,6%, كەپتىرىلگەن ورىك 2,5% ارزاندادى.

شاشتارازدار مەن سۇلۋلىق سالوندارىنىڭ قىزمەتتەرى 14,6%, ساناتوريلەردىڭ قىزمەتتەرى 14,4% ءوستى. نوۋتبۋكتىڭ باعاسى 46,5%, التىن ساقينا 35,6% , پلانشەت باعاسى 31,9% ءوستى.

ينفلياتسيا دەڭگەيىن سيپاتتايتىن تۇتىنۋ باعالارى يندەكسىنىڭ كورسەتكىشى اي سايىن ەسەپتەلەدى. باقىلاۋلار قىزمەتتەر مەن تاۋارلاردىڭ تاريفتەرى مەن باعالارى – بارلىعى 508 پوزيتسيا بويىنشا جۇرگىزىلەدى. ينفلياتسيا بويىنشا ديناميكالىق وزگەرىستەردى 2018 جىلدان باستاپ كورسەتكىشتەر قامتىلعان ارنايى ازىرلەنگەن ينتەراكتيۆتى داشبوردتا كورۋگە بولادى.

2025 جىلعى قاڭتاردان باستاپ تۇتىنۋ باعالارىنىڭ يندەكسىن ەسەپتەگەندە ازىق–ت ۇلىك تاۋارلارىنىڭ ۇلەسى –  40,0%, ازىق-ت ۇلىك ەمەس تاۋارلار – 30,3%, اقىلى قىزمەتتەر 29,7% قۇرادى.