ساتباەۆ قالاسىندا ينجەنەرلىك ينفراقۇرىلىمدى جاڭعىرتۋ جۇمىستارى جالعاسۋدا. قازىرگى تاڭدا №1 جانە №2 ماگيسترالدىك جىلۋ جەلىلەرىن زاماناۋي, پوليۋرەتاندى وقشاۋلانعان (پپۋ) قۇبىرلارعا اۋىستىرۋ بويىنشا رەكونسترۋكتسيالاۋ باستالدى, دەپ جازادى Egemen.kz اقپارات اگەنتتىگى.
جالپى ۇزىندىعى 10,6 شاقىرىمدى قۇرايتىن ەكى جوبا ىسكە اسادى. قازىرگى كۇنى 1,6 شاقىرىم جەلىدە جۇمىستار جۇرگىزىلۋدە.
مەردىگەر ۇيىمدار: «سارىاعاش-امان» جشس جانە «استاناينجكومستروي» جشس. جوبانىڭ جالپى سومماسى 9,2 ملرد تەڭگە.
ايتا كەتەرلىگى, بۇل – جىلۋ جەلىلەرىنە سوڭعى 50 جىل ىشىندە جاسالىپ وتىرعان ەڭ اۋقىمدى جانە كۇردەلى جوندەۋ.
ءبىز تۇرعىندارىمىزدىڭ ءومىر ءسۇرۋ ساپاسىن ارتتىرۋعا بار كۇشىمىزدى سالامىز. جىلۋ جۇيەسىن جاڭعىرتۋ – وسى ماقساتقا جەتۋدىڭ ماڭىزدى بولىگى. بۇل جۇمىستار الداعى ۋاقىتتا دا جوسپارلى ءارى تۇراقتى تۇردە جۇرگىزىلەتىن بولادى.
جىلى ءارى جارىق ۇيلەر – بۇل تەك جايلىلىقتىڭ ەمەس, بولاشاققا دەگەن سەنىمنىڭ, ءبىر-بىرىمىزگە دەگەن قامقورلىق پەن جاۋاپكەرشىلىكتىڭ كورىنىسى.