ەڭ كولەمدى ەگىس كولەمى اقمولا وبلىسىنا تيەسىلى – 3 706 مىڭ گەكتار. كولەم بويىنشا ودان كەيىنگى وبلىستار: قوستاناي (3 292 مىڭ گا), سولتۇستىك قازاقستان (2 566 مىڭ گا), پاۆلودار (1 081 مىڭ گا), قاراعاندى (1 032 مىڭ گا). بۇگىندە ەگىس ناۋقانى بويىنشا 72,4 پايىز جەر قامتىلىپ, 15,1 ملن گەكتاردان استام اۋىل شارۋاشىلىعى جەرلەرىنە ەگىس جۇمىستارى جۇرگىزىلگەن, دەپ جازادى Egemen.kz.
1 119,8 مىڭ توننا مينەرالدى تىڭايتقىش ساتىپ الۋ بويىنشا كەلىسىمشارتتار جاسالىپ, ونىڭ ىشىندە 976,9 مىڭ تونناسى شارۋالارعا جونەلتىلگەن. اۋىل شارۋاشىلىعى تاۋارىن وندىرۋشىلەرگە 368,8 مىڭ توننا ديزەل وتىنى ءبولىنىپ, ونىڭ 290,1 مىڭ تونناسى وڭىرلەرگە جەتكىزىلگەن.
اۋىل شارۋاشىلىعى مينيسترلىگىنىڭ مالىمەتىنشە, ەگىس قۇرىلىمىندا ەڭ كوپ ۇلەستى ءداندى داقىلدار الىپ وتىر – 10,9 ملن گەكتار. ونىڭ ىشىندە جەمشوپ داقىلدارى – 782,7 مىڭ گا, كوكونىستەر – 116,2 مىڭ گا, كارتوپ – 108,1 مىڭ گا, باقشا داقىلدارى – 84,1 مىڭ گا, مايلى داقىلدار – 2 747 مىڭ گا, ماقتا – 141,6 مىڭ گا, داندىك جۇگەرى – 153,9 مىڭ گا, قانت قىزىلشاسى – 17,8 مىڭ گا, كۇرىش – 87 مىڭ گەكتار.