ءۇش ميلليون قازاقستاندىق جيناقتارىن وتباسى بانككە سەنىپ تاپسىرعان

ول 2024 جىلدىڭ قاراشا ايىنان باستاپ تۇرعىن ۇيگە بەلسەندى تۇردە اقشا جيناقتاي باستاعان. سودان كەيىن ول بانكتە ءوزىنىڭ العاشقى جيناق شوتىن اشتى, كوكتەمدە سالىمشىعا «وتباسىلىق پاكەت»  اياسىندا تۋىستارىنىڭ ءبىرى جيناقتالعان قاراجاتى بار دەپوزيتىن بەردى. ءدال سول سالىم وتباسى بانكتەگى ءۇش ميلليونىنشى جيناق شوتىنا اينالدى. تۇرعىن ءۇي ساتىپ الۋ كەزىندە شىمكەنت تۇرعىنى ءوزىنىڭ بارلىق دەپوزيتتەرىن بىرىكتىرە الادى, سايكەسىنشە بۇل قارىز الۋ شارتتارىنا وڭ اسەرىن تيگىزەدى.  

ستاتيستيكاعا سايكەس, دەپوزيت ۇستاۋشىنىڭ ورتاشا جاسى - 35 جاس.

جالپى العاندا, قازاقستاندىقتار وتباسى بانكتەگى دەپوزيتتەرىندە 2,4 ترلن تەڭگە جينادى. ولاردىڭ ىشىندە اسا ۇنەمدى كليەنتتەر بار: سالىمشىلاردىڭ ءبىرى ءوز شوتىنا 64,5 ملن تەڭگە جيناقتادى. بانكتىڭ قۇرداسى بولعان دەپوزيت تە بار. بۇل شوتتىڭ اشىلعانىنا 22 جىل بولعان جانە وندا 6,5 ملن تەڭگە جيناقتالعان.

ەڭ ۇلكەن دەپوزيت ۇستاۋشى - 92 جاستا, ال ەڭ كىشىسى – 1 جاسقا تولماعان. ويتكەنى, وتباسى بانكتەگى دەپوزيتتەردى كىشكەنتاي قازاقستاندىقتار تۋ تۋرالى كۋالىك العان بويدا اشۋعا بولادى. كورەگەن اتا-انالار بۇل مۇمكىندىكتى پايدالانادى, ۇلدارى مەن قىزدارىنىڭ بولاشاق باسپانالارىنا الدىن-الا جيناقتاۋ ءۇشىن دەپوزيت رەسىمدەيدى.  بۇگىن بالالارعا 147,7 ملرد تەڭگە سوماسىنا 430 290 جيناق شوتى اشىلدى. بۇل وتباسى بانكتەگى دەپوزيتتەردىڭ جالپى سانىنىڭ 15%-ىن قۇرايدى.

«تۇرعىن ءۇي قۇرىلىس جيناقتارى جۇيەسىنىڭ 22 جىلعى جۇمىسى ىشىندە ءبىز ازاماتتارىمىزدى ۇنەمدەۋگە ۇيرەتتىك. قازىر قازاقستاننىڭ ەكونوميكالىق بەلسەندى حالقىنىڭ 31,2%-ى - وسى جۇيەنىڭ قاتىسۋشىلارى. ون جىل بۇرىن بۇل كورسەتكىش 4,5 ەسە از بولدى جانە تەك 7,1%-دى قۇرادى. ءبىر ەرەكشەلىگى, بانك سالىمشىلارىنىڭ 58,63%-ى - ايەلدەر. ولار كوبىنەسە جيناقتاۋ تۋرالى باستاما كوتەرەدى, وتباسىنىڭ بولاشاعىنا قامقورلىق جاسايدى جانە ماڭىزدى قارجىلىق شەشىمدەر قابىلدايدى. جوسپارلاۋ, قاراجات جيناۋ جانە ماقساتقا ۇمتىلۋ قابىلەتى ولاردى تۇرعىن ءۇي جيناق جۇيەسىنىڭ نەگىزگى قاتىسۋشىلارىنا اينالدىرادى. ءۇش ميلليونىنشى دەپوزيت - ءاربىر ساننىڭ ارتىندا ۇمىتكە تولى شىنايى وقيعانىڭ تۇرعاندىعىنىڭ دالەلى», دەدى وتباسى بانكتىڭ باسقارما ءتورايىمى لياززات  يبراگيموۆا.

2025 جىلى قازاقستاندىقتار 318 952 جاڭا دەپوزيت اشتى, ولاردىڭ باسىم بولىگى ونلاين, ينتەرنەت-بانكينگ جانە بەينەسەرۆيس كومەگىمەن اشىلدى.

وتباسى بانكتىڭ جۇمىسى باستالعالى بەرى بارلىعى 5,3 ملن شوت اشىلدى. ولاردىڭ ءبىر بولىگى وتباسىلىق پاكەت شەڭبەرىندە بىرىكتىرىلدى, شوتتار جاقىن تۋىستارى مەن تۋعاندارىنا قول جەتىمدى مولشەرلەمەلەر جىلدىق 3,5%-دان (جتسم 3,6%-دان 4,4%-عا دەيىن) جىلدىق 8,5%-عا دەيىن (جتسم 9%-دان 9,6%-عا دەيىن). بويىنشا قارىز الۋ ءۇشىن بەرىلدى.

بانك جۇمىس ىستەگەن ۋاقىت ىشىندە 7,6 ترلن تەڭگە سوماسىنا 592 293 كرەديت بەرىلدى.

قازىر بەرىلگەن قارىزدىڭ ورتاشا سوماسى 18,5 ملن تەڭگەنى قۇرايدى.