تالدىقورعان قالاسىندا شەرزات پولاتتىڭ قازاسىنا قاتىستى ءوتىپ جاتقان سوت پروتسەسى قىزۋ تالقىلانۋدا. ءىس بويىنشا باستى سوتتالۋشى ابزال شىناسىلدىڭ ادۆوكاتى جۇمات ابەنوۆ بۇگىنگى وتىرىستا سۋديا ەرجان جانۇزاقوۆقا سەنىمسىزدىك ءبىلدىرىپ, ونى ىستەن شەتتەتۋ تۋرالى ءوتىنىش جاسادى, دەپ جازادى Egemen.kz اقپارات اگەنتتىگى.
قورعاۋشى تۇسكە دەيىنگى سوت وتىرىسىندا ىسكە تىركەلگەن بەينەجازبانىڭ ساراپتاماسىندا سايكەسسىزدىكتەر بار ەكەنىن العا تارتىپ, وسى ماسەلەگە بايلانىستى ساراپشىنى سوتقا شاقىرۋ قاجەتتىگىن ايتتى. الايدا سۋديا ەرجان جانۇزاقوۆ بۇل ۇسىنىستى قابىلداماي, ءوتىنىشتى قاناعاتتاندىرمادى.
وسىعان بايلانىستى ادۆوكات جۇمات ابەنوۆ سۋدياعا سەنىمسىزدىك ءبىلدىرىپ, ءىستى جۇرگىزۋدەن شەتتەتۋدى سۇرادى. اتالعان ءوتىنىشتى الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى اسقاربەك بەيىمبەتوۆ قارادى. ول قورعاۋشىنىڭ ۋاجدەرىن نەگىزسىز دەپ تانىپ, سۋديا جانۇزاقوۆتى ىستەن شەتتەتۋ تۋرالى ءوتىنىشتى قابىلدامادى.
قازىرگى تاڭدا سوت پروتسەسى جالعاسىپ جاتىر. قوعام نازارىن اۋدارعان بۇل ءىس بويىنشا كەلەسى وتىرىستا جاڭا دالەلدەر مەن كۋاگەرلەر تىڭدالۋى مۇمكىن.