مەملەكەت باسشىسى Ivanhoe Mines Ltd. كومپانياسى ديرەكتورلار كەڭەسىنىڭ اتقارۋشى تەڭ توراعاسى روبەرت فريدلاندتى قابىلدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
كەزدەسۋدە گەولوگيالىق بارلاۋ, كەن يگەرۋ جانە مەتالل وڭدەۋ سالالارىنداعى ىنتىماقتاستىق پەرسپەكتيۆاسى تالقىلاندى. پرەزيدەنتكە قازاقستانداعى شۋ-سارىسۋ مىس باسسەينىندە اۋقىمدى گەولوگيالىق بارلاۋ جۇمىستارىنىڭ باستالعانى جونىندە مالىمەت بەرىلدى. Ivanhoe Mines كومپانياسى بۇعان دەيىن اتالعان ۋچاسكەدەگى قازبا بايلىقتارىن زەرتتەۋگە 18,7 ميلليون دوللار بولگەنىن جانە ينۆەستيتسيا كولەمىن 4 جىلدا 115 ميلليون دوللارعا دەيىن ۇلعايتۋعا نيەتتى ەكەنىن حابارلاعان ەدى.
روبەرت فريدلاند بۇل جوبانى جۇزەگە اسىرۋ بارىسىندا وزىق اەروگەوفيزيكالىق تەحنولوگيالار مەن مالىمەتتەردىڭ تسيفرلىق تالداۋىن پايدالانۋ جوسپارلانىپ وتىرعانىن جەتكىزدى. ونىڭ ايتۋىنشا, قازاقستاننىڭ مىس يگەرۋ تاريحىنداعى ەڭ اۋقىمدى جوبانى ىسكە اسىرۋ الەمدەگى وسى رۋدانى وڭدەۋ ىسىندە جاڭا پەرسپەكتيۆاعا جول اشادى.