قىزىلوردا. 6 مامىر. قىزىلوردا وبلىسىنىڭ كاسىپكەرلەر پالاتاسىندا ەكونوميكا عىلىمىنىڭ دوكتورى, پروفەسسور, رەسەي پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسى عىلىمي كەڭەسىنىڭ مۇشەسى سەرگەي كالەندجيان «وكىلەتتىلىك پەن جاۋاپكەرشىلىكتى تابىستاۋ ارقىلى باسقارۋ» تاقىرىبىندا سەمينار وتكىزدى. بۇل تۋرالى egemen.kz ءتىلشىسى حابارلادى.
اتالمىش شاراعا شاعىن جانە ورتا بيزنەس پەن مەملەكەتتىك ورگانداردىڭ وكىلدەرى, سونداي-اق كاسىپورىنداردىڭ قىزمەتكەرلەرى قاتىستى.
جالپى, كاسىپكەرلەر پالاتاسى ايماق كاسىپكەرلەرىنىڭ بىلىكتىلىگىن ارتتىرۋدا جۇيەلى جۇمىستار جۇرگىزۋدە. اتاپ ايتقاندا, وسى كەزگە دەيىن كاسىپكەرلەر پالاتاسىنىڭ ۇيىمداستىرۋىمەن «Amanie Advisors» كومپانياسىنىڭ تمد بويىنشا اتقارۋشى ديرەكتورى, يسلام قارجىسى سالاسىندا كاسىبي تۇردە جۇمىس ىستەپ جۇرگەن ەلىمىزدەگى بىردەن ءبىر مامان ەدىگە الپىسباي «يسلامداعى «ءوسىم» تۇسىنىگى جانە قارجىلىق قۇرالدار», گەرمانيانىڭ حالىقارالىق ىنتىماقتاستىق بويىنشا نەمىس ەكونوميكالىق قورىنىڭ باعدارلاماسى اياسىندا SES قىزمەتىنەن كەلگەن ەكسپەرت يۋرگەن شتەفان پفايففەر ماركەتينگتىك ستراتەگيا بويىنشا, Almaty Management University ءبىرىنشى دارەجەلى بيزنەس-ترەنەرلەر وزات بايسەركەەۆ پەن تاتيانا يسسىك ادامي كاپيتالدى دامىتۋ باعىتىندا سەمينارلار مەن ماستەر-كلاستار وتكىزدى.
ەرجان بايتىلەس.
دەرەك, سۋرەت: egemen.kz.