باس پروكۋراتۋرا مالىمەتىنشە, 4 سوتتالۋشى جابىرلەنۋشىنىڭ شەتەلگە وقۋعا باراتىنىن جانە اتا-اناسىنا تيەسىلى اقشا قاراجاتى بار ەكەنىن ءبىلىپ, كامەلەتكە تولماعان بالادان 20 ملن تەڭگە تالاپ ەتكەن, دەپ جازادى Egemen.kz.
ولار بالاعا قارۋ كورسەتىپ, پسيحولوگيالىق قىسىم جاساۋ ارقىلى 4 ميلليون تەڭگەنى يەمدەنگەن.
توپتىڭ ەكى مۇشەسى جابىرلەنۋشىدەن تاعى 100 مىڭ تەڭگە اقشا الۋ كەزىندە ۇستالعان. ارتىنشا قىلمىسقا قاتىسۋشىلاردىڭ قالعاندارى دا قولعا تۇسكەن.
مەملەكەتتىك ايىپتاۋشىمەن ولاردىڭ كىناسى تولىق دالەلدەنىپ, قىلمىسكەرلەردىڭ ارقايسىسى 10 جىلعا باس بوستاندىعىنان ايىرۋ جازاسىنا سوتتالعان.جابىرلەنۋشىگە كەلتىرىلگەن ماتەريالدىق شىعىن تولىق وتەلىپ, سونىمەن قاتار سوتتالعانداردان 2 ملن تەڭگە كولەمىندە مورالدىق وتەماقى وندىرىلگەن.ۇكىم زاڭدى كۇشىنە ەندى.