اقش پرەزيدەنتى دونالد ترامپ ۆلاديمير ءپۋتيننىڭ ارەكەتتەرىنە الاڭداۋشىلىق ءبىلدىرىپ, رەسەيگە قارسى جاڭا سانكتسيالار ەنگىزۋ ماسەلەسىن قاراستىرىپ جاتقانىن مالىمدەدى. بۇل تۋرالى ول نيۋ-دجەرسي شتاتىندا جۋرناليستەرگە بەرگەن سۇحباتىندا ايتقان, دەپ حابارلايدى Egemen.kz.
كەيىنىرەك Truth Social جەلىسىندە جاريالانعان جازباسىندا ترامپ پۋتينگە قاتىستى اشىق مالىمدەمە جاساعان.
«مەنىڭ ءاردايىم رەسەي پرەزيدەنتى ۆلاديمير پۋتينمەن قارىم-قاتىناسىمىز جاقسى بولدى, بىراق وعان بىردەڭە بولدى. ول ەسىنەن اداسقان ءتارىزدى. كوپتەگەن ادامدى نەگىزسىز ءولتىرىپ جاتىر, بۇل جەردە اڭگىمە تەك ساربازدار تۋرالى ەمەس. ۋكراينا قالالارىنا زىمىراندار مەن درونداردى ەشقانداي سەبەپسىز جىبەرىپ جاتىر», دەدى اقش پرەزيدەنتى.
ايتا كەتەيىك, بۇل مالىمدەمەلەر ۋكرايناعا جاسالعان شابۋىلدان كەيىن جاريالانعان. 25 مامىرعا قاراعان ءتۇنى بولعان اۋە سوققىسىنىڭ سالدارىنان ۋكراينالىق بيلىكتىڭ مالىمەتىنشە, 12 ادام قازا تاپقان.