استانا. 21 ماۋسىم. «بارىس» حوككەي كومانداسىنىڭ باس جاتتىقتىرۋشىسى بولعان اندرەي نازاروۆ قىزمەتىن اۋىستىردى. ەندى ول سانكت-پەتەربۋرگتىڭ سكا كومانداسىن جاتتىقتىراتىن بولادى. بۇل تۋرالى اتالعان كلۋبتىڭ رەسمي سايتىنا سىلتەمە جاساعان ريا «نوۆوستي» حابارلادى.
سكا 41 جاستاعى مامانمەن 2 جىلعا كەلىسىم شارت جاساستى. ال ونىڭ الدىندا كوماندانىڭ باس جاتتىقتىرۋشىسى بولعان ۆياچەسلاۆ بىكوۆ 17 ماۋسىمدا وتباسىلىق جاعدايىنا بايلانىستى قىزمەتىنەن كەتكەن بولاتىن. بۇل مامانمەن سكا بيىل تاريحىندا تۇڭعىش رەت گاگارين كۋبوگىن جەڭىپ الدى. سونداي-اق, قۇرلىقتىق حوككەي ليگاسىنىڭ تۇراقتى چەمپيوناتىندا 2-ورىنعا تابان تىرەگەنى بەلگىلى.
اندرەي نازاروۆ «بارىستى» تەك ءبىر ماۋسىم عانا جاتتىقتىردى. ءساۋىر ايىندا كوماندا جەتەكشىلەرى نازاروۆپەن كەلىسىم شارتتى سوزۋ تۋرالى ءسوز قوزعاعان ەدى. الايدا, رەسەيلىك مامان سكا-نىڭ ۇسىنىسىن قابىل الدى.
ەلامان قوڭىر.
دەرەك: ريا «نوۆوستي».
سۋرەت: yvision.kz.