جيىنعا قورعانىس مينيسترلىگىنىڭ جەتەكشى قۇرامىمەن قاتار, مەكتەپ ۇجىمدارى, ارداگەرلەر مەن كۋرسانتتار قاتىستى
قاتىسۋشىلاردى قورعانىس ءمينيسترىنىڭ تاربيە جانە يدەولوگيالىق جۇمىستار جونىندەگى ورىنباسارى گەنەرال-مايور شايح-حاسان جازىقباەۆ قۇتتىقتاپ, مەكەمەنىڭ قىزمەتىنە توقتالدى. ول اسكەري-تەحنيكالىق مەكتەپتەردىڭ نەگىزگى ميسسياسى – جۇمىلدىرۋ رەسۋرستارىن تولىقتىرۋ ماقساتىندا اسكەرگە شاقىرىلۋشىلار مەن اسكەري دايىندىقتان وتكەن رەزەرۆتى ساپالى دايارلاۋ ەكەنىن اتاپ ءوتتى. سونىمەن قاتار, مەكەمەنىڭ باي تاريحى مەن ونىڭ ەل قاۋىپسىزدىگىن قامتاماسىز ەتۋدەگى رولىنە نازار اۋداردى.
گەنەرال-مايور شايح-حاسان جازىقباەۆ جۇمىسشى ماماندىقتار جىلى اياسىندا اسكەري-تەحنيكالىق مەكتەپتەردىڭ سانى ارتىپ كەلە جاتقانىن جەتكىزدى. قازىرگى ۋاقىتتا قورعانىس سالاسىنىڭ, مەملەكەتتىڭ ءتيىمدى دامۋىنا قاجەتتى مامانداردى دايارلاۋداعى جاۋاپكەرشىلىگى زور ەكەنىن ايتتى.
اسكەري-تەحنيكالىق مەكتەپتەر اقتوبە, الماتى, اتىراۋ, قاراعاندى, كوكشەتاۋ, قىزىلوردا, پاۆلودار, سەمەي, تالدىقورعان, تاراز, وسكەمەن, ورال جانە شىمكەنت قالالارىندا جۇمىس ىستەيدى. بۇل مەكەمەلەر ازاماتتاردى اتقىش, مەرگەن, گراناتا لاقتىرۋشى, بارلاۋشى, ۇشقىشسىز ۇشۋ اپپاراتتارىنىڭ وپەراتورى, «B, C, C1» ساناتىنداعى جۇرگىزۋشى, متلب مەحانيك-جۇرگىزۋشىسى, راديوتەلەگرافيست سىندى اسكەري ەسەپتىك ماماندىقتار بويىنشا دايارلايدى. ۋاقىت تالابىنا ساي وقۋ باعدارلامالارى مەن ماماندىقتار ءتىزىمى ۇنەمى جاڭارتىلىپ وتىرادى.
- ءبىزدىڭ مەكەمە قورعانىس جانە ازاماتتىق بەيىندەگى مامانداردى دايارلاۋ جۇيەسىندەگى ماڭىزدى بۋىنى, كاسىبيلىكتىڭ, ءپاتريوتيزمنىڭ جانە وتانعا ادالدىقتىڭ تىرەگى بولدى. ءبىز ءجۇرىپ وتكەن جول – بەرىكتىكتىڭ, تۇراقتىلىقتىڭ جانە ىنتىماقتاستىقتىڭ جوعارى ساپاسىنىڭ دالەلى. شيرەك عاسىر – ءبىز وقىعان, وقىتقان, جەتىلدىرگەن جانە كاسىبي مادەنيەتتى قالىپتاستىرعان, لايىقتى ازاماتتاردىڭ جاڭا بۋىنىن, مەملەكەتىمىزدىڭ قورعاۋشىلارىن تاربيەلەپ شىعارعان ۋاقىت, - دەدى ءوز سوزىندە قر قورعانىس مينيسترلىگى اسكەري-تەحنيكالىق مەكتەبىنىڭ باس ديرەكتورى گەنەرال-مايور ادىلبەك الدابەرگەنوۆ.
مەرەيتوي اياسىندا بىرقاتار اسكەري قىزمەتشىلەر, ماماندار مەن ارداگەرلەر «ەل قورعانى» ۆەدومستۆولىق مەدالىمەن, سونداي-اق قورعانىس ءمينيسترى مەن اسكەري-تەحنيكالىق مەكتەپ باس ديرەكتورىنىڭ اتىنان ماراپاتتارمەن جانە باعالى سىيلىقتارمەن ماراپاتتالدى.
سالتاناتتى ءىس-شارا ۇلتتىق اسكەري-پاتريوتتىق ورتالىقتىڭ شىعارماشىلىق ۇجىمى دايىنداعان كونتسەرتتىك باعدارلامامەن اياقتالدى.
داميرا تولەگەن
ەۇۋ ستۋدەنتى