ۇلت ساۋلىعىنا شىقىرعان دەنساۋلىق اپتالىعى

ناۋقانعا مادەنيەت جانە اقپارات مينيسترلىگى, دەنساۋلىق ساقتاۋ, وقۋ-اعارتۋ, عىلىم جانە جوعارى ءبىلىم مينيسترلىكتەرى, دۇنيەجۇزىلىك دەنساۋلىق ساقتاۋ ۇيىمى, يۋنەسكو, ەلىمىزدەگى ۇكىمەتتىك ەمەس ۇيىمدار, جانە باسقا دا حالىقارالىق ۇيىمدار قولداۋ كورسەتتى. بەس كۇن بويى ەلىمىزدىڭ بارلىق وڭىرىندە اقپاراتتىق-اعارتۋ ناسيحاتى جۇرگىزىلدى. ءار كۇن جەكەلەگەن تاقىرىپقا ارنالدى. ونىڭ ىشىندە وتباسىن جوسپارلاۋدان باستاپ, جاسوسپىرىمدەرگە ارنالعان رەپرودۋكتيۆتى ءبىلىم بەرۋ, اپۆ, ججبي الدىن الۋ جانە ايەلدەر, ەرلەر دەنساۋلىعى ماسەلەلەرى جەكە-جەكە كۇن تارتىبىنە شىعارىلدى.

دوڭگەلەك ۇستەل بارىسىندا اپتالىقتىڭ قورىتىندىسى شىعارىلىپ, رەپرودۋكتيۆتى دەنساۋلىق سالاسىنداعى مەملەكەتتىك ساياساتتى جەتىلدىرۋگە ارنالعان ۇسىنىستار ايتىلدى. بۇل – بولاشاق ۇرپاقتىڭ ءال-اۋقاتىنا تىكەلەي اسەر ەتەتىن ماڭىزدى باعىت. سەبەبى ناۋقانعا قولداۋ كورسەتكەن سەرىكتەستەر سالانىڭ دامۋىنا سەرپىن بەرەتىن ۇسىنىستار ايتتى. ول ماتەريالدار تۇگەل جيناقتالىپ, ۇلتتىق كوميسسيا وتىرىسىندا ۇسىنىلادى.

 سونىمەن اپتالىق بارىسىندا 20 مىڭنان استام ءىس-شارا وتكەن. وعان 500 مىڭ ادام قاتىسسا, 240 مىڭنان استامى – جاسوسپىرىمدەر مەن جاستار. ماماندار 80 مىڭعا جۋىق تۇرعىنعا تەگىن كەڭەس بەرگەن. 8,4 مىڭنان استام ادام ججبي جانە ايتۆ-عا تەست تاپسىردى. الەۋمەتتىك جەلىلەردە 359 مىڭنان استام جازبا جاريالانىپ, باق-تا 1,5 مىڭنان استام ماتەريال شىققان. دەنساۋلىق اپتالىعى قورىتىندىلانعان جيىندا ۇلتتىق كوميسسيا توراعاسىنىڭ ورىنباسارى جۇلدىزاي ىسقاقوۆا باستاماعا ۇلەس قوسقان بارلىق سەرىكتەستەر مەن قاتىسۋشىلارعا العىس ايتتى.

«رەپرودۋكتيۆتى دەنساۋلىققا قامقورلىق مادەنيەتىن قالىپتاستىرۋ – بىررەتتىك اكتسيا ەمەس. بۇل – ستراتەگيالىق مىندەت. وسىنداي باستامالار كۇشىمىزدى بىرىكتىرۋگە, ۇزدىك تاجىريبەلەردى كەڭىنەن ەنگىزۋگە جول اشادى. قوعامداعى مىنەز-ق ۇلىق پەن كوزقاراستى وزگەرتۋگە سەپتىگىن تيگىزەدى. سوندىقتان ناۋقانعا ۇلەس قوسقان بارلىق سەرىكتەستەرگە الىعىس ايتامىز», – دەدى ج.ىسقاقوۆا.