ىممەن ۇعىسقان ۇجىم

«Silense» بي تەاترىنىڭ نەگىزى 2004 جىلى قالانعان. ۇجىم 2023 جىلى جاڭا فورماتتا جانداندى. سول كەزدەن باس­تاپ تالاپتى قىزداردى ما­دە­­نيەت سالاسىنىڭ ۇزدى­گى, حورەو­گ­راف بوتاگوز تۇرلىبەكوۆا دا­يىنداپ ءجۇر.

«بۇل بي تەاترىندا تەك قۇلاعى ناشار ەستيتىن جاندار بيلەيدى. العاشىندا بۇل توپقا كونكۋرستار ءۇشىن عانا بي قويىپ ءجۇردىم. سول بايقاۋلاردان ىلعي دا جۇل­دەلى ورىندارمەن ورالدى. قىز­دار­مەن جاقىن تانىسا كەلە ىشكى جان دۇنيەسىن ءتۇسىنىپ, بيگە دەگەن قۇشتارلىقتارىنىڭ بيىك ەكەنىن بايقادىم. جەتەك­شى­لىك ەتۋ مىندەتىن موينىما الىپ, توپ الدىنا ماڭىزدى مەجەلەردى بەكىتىپ, ەتەنە ىسكە كىرىسىپ كەتتىك», دەيدى بوتاگوز سەرىكقىزى. ول ەرەك­شە قىزدارمەن ءتۇسىنىسۋ ءۇشىن ماق­سات­تى تۇردە ىم-يشارا ءتىلىن دە مەڭگەر­گەن.

«ادەتتە بي ۇيرەتكەندە وبراز ارقىلى, تىلمەن سۋرەتتەپ جەتكىزەمىز. ولارعا ونى ايتا المايتىن بولعاندىقتان ىم-يشارا ءتىلىن قولدانۋ كەرەك. بالالاردىڭ جانىن تەرەڭ ءتۇ­­سىنۋ ءۇشىن وسى ءتىلدى ارنايى كۋرس­قا بارىپ ۇيرەنىپ شىق­تىم. اسى­لىندا, ءبيدى قيمىل مەن يشارا قۇرايدى. سوندىقتان اسا كەدەرگى جوق. كەيدە مەنىڭ قا­تەلەسكەن تۇ­سىمدى قىزدار تو­لىق­تى­رىپ, ءتىل­سىز-اق ءتۇسىنىسىپ كە­لەمىز», دەي­دى حورەوگراف ما­مان.

قىزدار اپتاسىنا ءۇش رەت شەبەرلىگىن شىڭدايدى. تالماي ەڭبەك ەتە ءجۇرىپ قورجىندارىن 9 بي  قويىلىممەن تولىق­­تىر­عان. ونىڭ تورتەۋى ىم-يشاراعا نەگىزدەلگەن.

ولاردىڭ ءوزارا ۇيىم­شىلدىعى مەن ءبىر-ءبىرىن قول­داۋى دا ءاردايىم جەڭىس تۇ­عى­رىنان تابىلۋعا سەپتە­سىپ ءجۇر. بي ۇجىمى ورال قا­لا­سىندا وتكەن ء«سىزدى بيگە شا­­قىرامىز» اتتى رەسپۋب­­لي­كالىق بي بايقاۋ-فەستي­ۆالىندە ۇلتتىق بي اتالىمى بويىنشا گران-پري, زاماناۋي بي اتالىمى بو­يىنشا ءىىى ورىندى يەلەنگەن. سونداي-اق استانادا ۇيىم­داس­تىرىلعان «Mega-Star» شىعارماشىلىق بايقاۋىندا «باس جۇلدەنى» جەڭىپ الىپ, گەرمانيا, ەگيپەت ساحنالارىندا ونەر كورسەتۋگە جولداما العان.  شەكتەۋلى مۇم­كىندىك شەكاراسىن كەسىپ وتكەن «Silense» بي تەاترى ساۋ بالالار اراسىندا دا توپ جارىپ ءجۇر.

ەرەكشە جانداردى بيگە باۋلۋ «بي-قيمىل تەراپيا­سى» دەپ اتالادى. مۇندا بي ارقى­لى جاندى ەمدەيدى. «Silense» بي تەاترىنىڭ مۇشەسى  ارۋ­جان اسقاروۆا ۇستاز­دارى بۇل مىندەتتى ءۇنسىز ۇعىنىپ جۇر­گەنىن جەتكىزدى.

«ۇستازىمىز وتە مەيىرىمدى ادام. ءبىزدى قيىندىقتا قال­دىرعان ەمەس. ءاردايىم شابىت­تاندىرىپ, العا ۇمتىل­دىرادى. وسىنداي قارىم-قاتىناسىنا قارىمتا رەتىندە قىزدار دا قاراپ قالماي بارىن سالادى», دەدى ول.