سولتۇستىك قازاقستان وبلىسىندا كەنە قاپتاپ, ءبىر جارىم اي ىشىندە دارىگەرگە 408 ادام جۇگىنگەن. بۇل بىلتىرعى جىلدىڭ وسى كەزەڭىمەن سالىستىرعاندا ءۇش ەسە كوپ, دەپ حابارلايدى Egemen.kz.
كۇننىڭ ەرتە جىلىنىپ, اۋانىڭ جوعارى تەمپەراتۋراسى قىستاعى ۇيقىدان كەيىن اتالعان جاندىكتەردىڭ تەزىرەك ويانۋىنا سەبەپ بولعان.
ەپيدەميولوگتاردىڭ ەسكەرتۋىنشە, كەنەلەردىڭ اگرەسسيۆتى مىنەز-قۇلقى – مامىر ايىندا قالىپتى جاعداي, تابيعات اياسىندا سەرۋەندەگەن كەزدە اسا ساق بولۋ قاجەت.
الدىن الۋ شارالارى جۇرگىزىلگەنىنە قاراماستان, جۇقتىرعان جاعدايلاردى تولىق بولدىرماۋ مۇمكىن بولماعان.
وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ مالىمەتىنشە, 5 ادامعا «كەنە ەنتسەفاليتى» دياگنوزى قويىلىپ, اۋرۋحاناعا جاتقىزىلعان. ۇشەۋى پەتروپاۆلدا, ەكەۋى قىزىلجار اۋدانىندا تىركەلگەن 5 ناۋقاستىڭ دا جاعدايى تۇراقتى, قايتىس بولعاندار جوق.