كوپتەگەن جاڭالىق بىردەن ءمىنسىز بولا سالمايدى. ولار ۋاقىت وتە كەلە جەتىلەدى. ماسەلەن, العاشقى باسكەتبولدا ءبىز بىلەتىن دريبلينگ, ياعني دوپتى جەرگە سوعىپ الىپ ءجۇرۋ بولماعان.
1891 جىلى دجەيمس نەيسميت ويلاپ تاپقان بۇل ويىندا تەك پاس بەرۋگە جانە تورعا لاقتىرۋعا رۇقسات ەتىلگەن. ال توردىڭ ورنىنا شابدالى جاشىگى قولدانىلعان, ءارى ونىڭ ءتۇبى جابىق بولعان. ءار ۇپايدان كەيىن تورەشى باسپالداقپەن كوتەرىلىپ, دوپتى شىعارىپ الۋ كەرەك ەدى. كەيىننەن جاشىكتىڭ ءتۇبى كەسىلدى, بىراق دوپ وزدىگىنەن تۇسپەگەن, ونى ۇزىن تاياقپەن يتەرىپ شىعاراتىن. تەك 1906 جىلى, ياعني 15 جىلدان كەيىن مەتالل شەڭبەر مەن تور (قازىرگى رينگ) پايدا بولدى.