ماڭعىستاۋدا مۇگەدەك-كاسىپكەرلەرگە قولداۋ كورسەتىلۋدە

اقتاۋ. 6 مامىر. ماڭعىستاۋدا مۇگەدەك جانداردىڭ «دامۋ» قورىنا حابارلاسۋى كوبەيگەن. بۇل تۋرالى egemen.kz ءتىلشىسى حابارلادى. «دامۋ» قورىنىڭ ماڭعىستاۋ وبلىسىنداعى ايماقتىق فيليالىنا كومەك كورسەتۋگە ءوتىنىش ءبىلدىرۋشى مۇمكىندىگى شەكتەۋلى جانداردىڭ, سونداي-اق, ولارعا «دامۋ-كومەك» باعدارلاماسى بويىنشا كومەك كورسەتۋشى كاسىپكەرلەردىڭ سانى كۇن سايىن كوبەيۋدە. بيىل ءساۋىر ايىندا «كازازوت» كومپانياسى بىردەن ءۇش مۇمكىندىگى شەكتەۋلى كاسىپكەرگە دەمەۋشىلىك كومەگىن كورسەتتى. مۇمكىندىگى شەكتەۋلى ءۇش كىسى, بيزنەسىنىڭ دامۋى مەن جالعاسۋىنا قولداۋ كورسەتەدى دەگەن ۇمىتپەن ماڭعىستاۋ فيليالىنا ارنايى كەلگەن. ولاردىڭ ءبىرى – ەكىنشى توپ مۇگەدەگى, شەتپە سەلوسىنىڭ تۇرعىنى ۋ.ەرنيازوۆ جەڭىل كولىك ساتىپ الۋعا كىشىگىرىم قارجىلاي كومەك سۇراپ, كولىگىمەن جولاۋشىلاردى تاسىمالداۋدى جانە مۇمكىندىگى شەكتەۋلى كىسىلەردى اقىسىز جەتكىزۋدى جوسپارلاعان بولسا, م.اليگۋلوۆ اۋىل شارۋاشىلىق بيزنەسىنە قاجەتتى نوۋتبۋك الىپ بەرۋگە ءوتىنىش بەرگەن. سونداي-اق, مۇنايلى اۋدانىنىڭ تۇرعىنى م.ورازوۆقا قولدانىستاعى  تسەحىنا جيھازدار شىعارۋ ءۇشىن جابدىق الۋ قاجەت بولعان. ءۇش كاسىپكەرگە جالپى سومماسى 600 مىڭ تەڭگەنى قۇرايتىن دەمەۋشىلىك كومەكتى «كازازوت» كومپانياسى كورسەتتى. اتالعان كومپانيا قازاقستان بويىنشا اممياكتى سەليترانى ءوندىرۋشى جالعىز كاسىپورىن. قايىرىمدىلىق ىستەرى ءۇشىن كاسىپورىن باسشىسى كەڭەس وراقوۆقا «دامۋ» قورى اتىنان ارنايى العىس حات تابىس ەتىلدى. ماڭعىستاۋ وبلىسى بويىنشا «دامۋ-كومەك» باعدارلاماسى شەڭبەرىندە 46 مۇگەدەك-كاسىپكەرلەرگە دەمەۋشىلىك كومەگى كورسەتىلگەن. گۇلايىم شىنتەمىرقىزى. دەرەك, سۋرەت: egemen.kz.