وزبەكستاندا 10 ايلىق ءسابي دۇرىس ەمەس تاماقتانۋدىڭ سالدارىنان اۋىر جاعدايعا دۋشار بولعان. دارىگەرلەر ونىڭ ىشەگىنىڭ ءبىر بولىگىن الىپ تاستاۋعا ءماجبۇر بولعان, دەپ حابارلايدى Egemen.kz.
مامانداردىڭ ايتۋىنشا, بالانىڭ ىشەك تىندەرى ءشىرىپ كەتكەن. وعان سەبەپ — فاستفۋد ونىمدەرىن, اتاپ ايتقاندا كارتوپ فري مەن لاۆاشتى تۇتىنۋ. ءسابيدىڭ اناسى ونى وزىمەن بىرگە فاستفۋدپەن تاماقتاندىرعان.
دارىگەرلەردىڭ مالىمدەۋىنشە, مۇنداي تاعامداردا ءدام كۇشەيتكىشتەر, كونسەرۆانتتار جانە ءتۇرلى قوسپالار كوپ كەزدەسەدى. بۇل زاتتار ءالى تولىق دامىماعان ءسابي اعزاسىنا اۋىر سوققى بولىپ ءتيىپ, كەيدە قايعىلى جاعدايلارعا دا الىپ كەلۋى مۇمكىن.