قازاقستاندا جاڭا گاز قۇبىرى سالىنۋى مۇمكىن

بۇعان دەيىن قىتاي قازاقستان اۋماعى ارقىلى رەسەيلىك گاز جەتكىزۋ مارشرۋتىن ەكونوميكالىق تۇرعىدان ءتيىمسىز  ەكەنىن ايتقان بولاتىن.   اپتا ورتاسىندا  رف ۆيتسە-پرەمەرى الەكساندر نوۆاك قازاقستان اۋماعى ارقىلى قىتايعا مۇناي ءترانزيتىن 10 ملن توننادان 12,5 ملن تونناعا دەيىن ارتتىرۋ جوسپارى تۋرالى حابارلادى.

بۇدان باسقا, جوبا قازاقستاننىڭ سولتۇستىك-شىعىس وڭىرلەرىن قىزمەتپەن قامتاماسىز ەتۋگە مۇمكىندىك بەرەدى. سونداي-اق  رەسەيلىك كومپانيامەن 10 ملرد تەكشە مەترگە دەيىنگى كولەمدە تاۋارلىق گاز جەتكىزۋ مۇمكىندىگى تالقىلانۋدا. وسىنىڭ ەسەبىنەن اتالعان وبلىستار مەن استانانىڭ الەۋمەتتىك جانە ونەركاسىپتىك جوبالارى تابيعي شيكىزاتقا قول جەتكىزە الادى.

ەنەرگەتيكا مينيسترلىگىنىڭ بولجامىنشا, بۇل ينۆەستورلار ءۇشىن وڭىرلەردىڭ تارتىمدىلىعىن ارتتىرادى. بۇدان باسقا, ەلىمىزدىڭ گاز جەلىلەرىنىڭ ترانزيتتىك الەۋەتى ارتادى. ۆەدومستۆودا ناقتىلاعانداي, بۇگىنگى تاڭدا ۇزاقمەرزىمدى كەلىسىمشارت جاساۋ ماسەلەسى مەن تاۋارلىق گازدىڭ باعاسى اشىق كۇيىندە قالىپ وتىر. قارجىلاندىرۋ كوزدەرى, ينۆەستيتسيالار كولەمى جانە جوبالاردى ىسكە اسىرۋ مەرزىمدەرى دە تۇپكىلىكتى ۋاعدالاستىقتارعا قول جەتكىزىلگەننەن جانە جوبالاۋ-سمەتالىق قۇجاتتاما ازىرلەنگەننەن كەيىن ايقىندالاتىن بولادى.

ساراپشىلاردىڭ ايتۋىنشا, بۇل ازىرگە جوبا.

حالىقتى كوگىلدىر وتىنمەن قامتاماسىز ەتۋ ستراتەگيالىق باعىت.  ساراپشىلار گازبەن بايلانىستى كەز-كەلگەن جوبادان باس تارتۋ بىزگە ءالى ەرتە ەكەنىن ايتادى.  

2024 جىلدىڭ 1 قاڭتارىندا گازداندىرۋ دەڭگەيى 60%-عا جەتكەن ەدى.

20 ملن ادامدىڭ 12 ملن-ى گازعا قول جەتكىزىپ وتىر.

2025 جىلى گازداندىرۋ دەڭگەيىن 62,1%-عا جەتكىزۋ جوسپارلانىپ وتىر.

2024 جىلدىڭ 15 ناۋرىزىندا پرەزيدەنت قاسىم-جومارت توقاەۆ ۇلتتىق قۇرىلتاي وتىرىسىندا ۇكىمەتكە جىلدىڭ اياعىنا دەيىن 300 مىڭ ادامدى گازبەن قامسىزداندىرىپ, 1 700 شاقىرىم گاز قۇبىرىن جاڭارتۋ تۋرالى تاپسىرما بەردى.