تالدىقورعاندا شەرزات بولاتتىڭ ولىمىنە قاتىستى ءىس بويىنشا سوت وتىرىسى جالعاسىپ جاتىر. سوت بارىسىندا كۇدىكتى رەتىندە تانىلعان ابزال شىناسىلدان جاۋاپ الىندى, دەپ حابارلايدى Egemen.kz.
سوتتا مارقۇمنىڭ اناسى گۇلبارا بيشەمبيەۆا ۇلىنىڭ بەتى مەن دەنەسىندە اۋىر جاراقاتتار بولعانىن ايتقان. جابىرلەنۋشى تاراپتىڭ ادۆوكاتى مەيىرمان شەكەەۆ سوتتالۋشىعا مارقۇمنىڭ دەنەسىندەگى جاراقاتتارعا قاتىستى سۇراق قويعان.
الايدا كۇدىكتى ابزال شىناسىل مارقۇم شەرزات پولاتقا قول كوتەرمەگەنىن ايتىپ, قىسقاشا جاۋاپ قاتقان.
ايتا كەتەيىك, ءىس جەتىسۋ وبلىسىنىڭ مامانداندىرىلعان اۋدانارالىق قىلمىستىق ىستەر جونىندەگى سوتىندا قارالىپ جاتىر. ايىپتالۋشىلار 9 ادام, ولاردىڭ ءبىرى كامەلەتكە تولماعان. بۇعان دەيىن ولار ءوز كىنالارىن مويىنداماعان. ولارعا «ادام ءولتىرۋ», «قىلمىسقا دايىندالۋ جانە وقتالۋ», «قارۋ قولدانۋ ارقىلى بۇزاقىلىق جاساۋ», «بۇزاقىلىق» جانە «ۇرلىق» بابى بويىنشا ايىپ تاعىلعان.