ماڭعىستاۋ وبلىسىندا «كەزبي» مۇناي سەرۆيستىك كومپانياسىنىڭ ديرەكتورى ەرجان كەزباەۆ اسا ءىرى كولەمدە قارجى جىمقىرعانى جانە سالىقتان جالتارعانى ءۇشىن 10 جىلعا باس بوستاندىعىنان ايىرىلدى, دەپ حابارلايدى Egemen.kz.
«كەزبي» جشس — «وزەنمۇنايگاز» اق-نىڭ مەردىگەر ۇيىمى بولىپ تابىلادى. ەرجان كەزباەۆقا وزىنە سەنىپ تاپسىرىلعان م ۇلىكتى اسا ءىرى كولەمدە يەمدەنىپ العانى, سونداي-اق سالىق تولەۋدەن جالتارعانى ءۇشىن ايىپ تاعىلدى. سوت ونى كىنالى دەپ تانىپ, 10 جىلعا سوتتاۋ تۋرالى ۇكىم شىعاردى.
سونداي-اق سوت شەشىمى بويىنشا ەرجان كەزباەۆقا 10 جىل بويى مۇناي-گاز سالاسىندا باسشىلىق لاۋازىمداردى اتقارۋعا تىيىم سالىندى.
سوت ۇكىمىمەن ول «وزەنمۇنايگاز» اكتسيونەرلىك قوعامىنىڭ پايداسىنا 321 ميلليون تەڭگەدەن استام قارجىنى قايتارۋى ءتيىس. بۇعان قوسا, ماڭعىستاۋ وبلىسى بويىنشا مەملەكەتتىك كىرىستەر دەپارتامەنتىنە 1,5 ميلليارد تەڭگە كولەمىندە تولەم وتەۋگە مىندەتتەلدى.