ۇلىقتاۋ راسىمىندە ەلباسى ن.ءا.نازارباەۆ ەلىمىزدىڭ الدىندا تۇرعان بەس اۋقىمدى ىشكى مىندەتتى اتاپ, ىشكى تۇراقتىلىعىمىزدىڭ تىرەگى رەتىندە ورتا تاپتىڭ ۇلەسىن ەسەلەۋگە, بيزنەستى دامىتۋعا, ورتا تابىسى بار ازاماتتار سانىن مەيلىنشە كوبەيتۋگە ەرەكشە توقتالدى.
ىنتىماعى ىرىستى, بىرلىگى بەكەم ەلىمىزدىڭ ىسكەر ازاماتتارى وسى مەرەيلى مىندەتتى ءبىراۋىزدان قولداپ, جاڭا جۇمىس ورىندارىن قۇرۋ ارقىلى تۇرعىنداردىڭ ءال-اۋقاتىن ارتتىرۋ باعىتىندا جۇمىس جاساۋعا ءازىر. جانە دە بۇل مىندەتتى ىسكە اسىرۋدى كاسىپتىڭ كوزىن تەز تاباتىن وڭتۇستىكقازاقستاندىقتار ەرەكشە مارتەبە سانايدى.
بۇگىندە ۇلىسىمىزدىڭ ۇيىتقىسى سانالاتىن وڭتۇستىك قازاقستان وبلىسىندا 180 مىڭعا جۋىق شاعىن جانە ورتا كاسىپكەرلىك سۋبەكتىلەرى جۇمىس ىستەپ تۇر. مۇنان بولەك مەملەكەتتىك قولداۋدىڭ اياسىندا ىسكە قوسىلىپ, جەمىستى جۇمىس جاساپ جاتقان كومپانيالار دا جەتكىلىكتى. ديقاندارىمىز باۋ-باقشا مەن كوكونىس ءوسىرىپ, ونى باپتاۋدا وزگە وڭىرلەردەن وق بويى وزىپ تۇر.
الداعى جىلدارى ەلىمىزدە ءونىم وندىرۋشىلەردىڭ باسىم بولىگى شاعىن جانە ورتا بيزنەسكە تيەسىلى بولۋى قاجەت. وسى تۇرعىدان العاندا ەلباسى باستامالارى ءاردايىم ەلدى بىرىكتىرىپ, ورنى بولەك ورتا تاپتى قالىپتاستىرۋعا سۇبەلى ۇلەس قوسارى ءسوزسىز.
شارىپبەك جامالبەك,
«وقو ازاماتتىق اليانس»
زاڭدى تۇلعالار بىرلەستىگىنىڭ توراعاسى.
وڭتۇستىك قازاقستان وبلىسى.