اتىراۋ, باتىس قازاقستان جانە ماڭعىستاۋ وبلىسىنداعى سۋ ايدىندارىندا «بەكىرە – 2025» كەڭاۋقىمدى بالىق قورعاۋ اكتسياسى ءوتىپ جاتىر.
بالىق شارۋاشىلىعى كوميتەتىنىڭ ءباسپاسوز قىزمەتىنەن ءمالىم ەتكەندەي, ماقسات – سۋ ايدىندارىندا بەكىرە جانە باسقا دا بالىق تۇرلەرىن ساقتاۋ, ۋىلدىرىق شاشۋىنا قولايلى جاعداي جاساۋ.
«اۋىل شارۋاشىلىعى, ىشكى ىستەر مينيسترلىكتەرى مەن ۇلتتىق قاۋىپسىزدىك كوميتەتى جايىق-كاسپي باسسەينىنىڭ سۋ ايدىندارىندا «بەكىرە – 2025» كەڭاۋقىمدى بالىق قورعاۋ اكتسياسىن وتكىزۋ تۋرالى بىرلەسكەن بۇيرىققا قول قويعان ەدى. اكتسيا باستالعان 1 ساۋىردەن بەرى تابيعاتتى قورعاۋ زاڭناماسىن بۇزۋدىڭ 884 دەرەگى انىقتالدى. زاڭ بۇزعان 680 ادام اكىمشىلىك جاۋاپكەرشىلىككە تارتىلدى. براكونەرلىك, سيرەك كەزدەسەتىن, جويىلىپ بارا جاتقان بالىق تۇرلەرىن زاڭسىز ۇستاۋ دەرەگىنە قاتىستى 24 قىلمىستىق ءىس قوزعالدى. ءتارتىپ بۇزۋشىلارعا 15,9 ملن تەڭگە ايىپپۇل سالىندى», دەپ حابارلادى كوميتەتتەن.
زاڭسىز اينالىمنان 3 توننا 56 كيلو بالىق تاركىلەنگەن. ونىڭ ىشىندە 608 كيلو بەكىرە تۇقىمداس بالىق تۇرلەرى, 2 كيلو قارا ۋىلدىرىق بار. سونداي-اق, 181 بالىق اۋلاۋ قۇرالى مەن 32 سۋ كولىگى الىنعان.
اتالاعان اكتسيا 31 مامىرىنا دەيىن جالعاسادى.
اتىراۋ وبلىسى