مەملەكەت ءۇشىن قاجەتتى قادامدار جاسالدى

قازاقستاننىڭ بۇگىنگە دەيىن قول جەتكىزگەن جەتىستىكتەرى ەلبا­سىنىڭ جۇرەر جولدى, كەزدەسۋى ءمۇم­كىن ءارتۇرلى ىقپالدار مەن ولاردى بولدىرماۋ شارالارىن الدىن الا ۇزاق مەرزىمدى جانە ءتيىمدى, ناقتى باعدارلاپ-باعام­داۋىنا تىكەلەي بايلانىستى. بۇل باعىتتا بىزگە جاساقتالىپ, ءجۇ­زەگە اسىرىلۋ ۇستىندەگى مەملە­كەتتىك باعدارلامالار, جوس­پارلار جولباسشى بولۋدا. بارشا قازاقستاندىقتار مەم­لەكەت باسشىسىنىڭ تاپسىر­ما­لارىن ءوزارا بىرلىكپەن تياناق­تى جۇزەگە اسىرۋ ارقىلى تاۋەل­سىز قازاقستاننىڭ دامۋىنا, ونداعى تۇراقتىلىققا قىزمەت ەتىپ كەلەمىز. جاھاندىق ەكونومي­كا­لىق قيىندىقتارمەن قوسا قابات ءوربىپ, الەمدىك جويقىن زارداپ­تارعا سوقتىرۋى مۇمكىن, قازىر­دىڭ وزىندە ەرەسەكتەر تۇرماق, بالا­لاردىڭ ءوزىنىڭ ساناسىنا قورقى­نىش ۇيالاتىپ ۇلگەرگەن ءتۇرلى تۇراقسىزدىق يىنىندە قازاقستان تاڭداعان جول – بەيبىتشىلىك, ەل ىشىندە جانە سىرتقى كورشىلەرمەن تاتۋلىقتى ساقتاۋ. سىرتقى ساياساتتى وسى باعىتتا ۇستانا وتى­رىپ, ىشكى ماقسات-مۇددەمىز وتانى­مىزدى نىعايتا ءتۇسۋ, الەمدەگى الدىڭعى قاتاردا دامىعان 30 ەلدىڭ ساناتىنا ەنگىزۋ بولىپ تابىلادى. مەملەكەت باسشىسى پرەزي­دەنتتىك قىزمەتكە قايتا سايلانا سالىسىمەن, بۇعان دەيىن ءوزى باستاماشى بولعان سەرپىندى جوسپارلارىن جۇزەگە اسىرۋدى ەكپىندى تۇردە قولعا الدى. ونىڭ ءبىرى تەز ارادا قازاقستان رەسپۋبليكاسى پرەزيدەنتى جانىنان جاڭعىرتۋ جونىندەگى ۇلتتىق كوميسسيانىڭ قۇرىلۋى بولدى. بۇدان جاھاندىق جاعدايلارعا قاتىستى تۋىنداعان سىن-قاتەردىڭ الدىن الۋ, سونداي-اق, ەلىمىزدەگى «نۇرلى جول» باعدارلاماسى مەن «قازاقستان-2050» ستراتەگيالىق باعدارلاماسىن جۇزەگە اسىرىپ, قازاقستاندى دامىعان 30 ەلدىڭ قاتارىنا جەتكىزۋ ءۇشىن بەس حالىقتىق رەفورمانى جوعارى دەڭگەيدە جۇزەگە اسىرۋ قاجەتتىگى ۋاقىت كۇتتىرمەيتىندىگىن اڭعاردىق. قۇرامىنا بىلىكتى ازاماتتار ەنگەن كوميسسيا بەس ينستيتۋتتىق رەفورمانى جۇزەگە اسىرۋشى مەملەكەتتىك, قوعامدىق جانە كاسىپكەرلىك سەكتورىنىڭ جۇمىسىن ۇيلەستىرىپ, باعىت بەرىپ جانە قاداعالاپ وتىراتىن, سونداي-اق, قاۋىپسىزدىكتى, تىنىشتىق پەن دامۋدى قامتا­ماسىز ەتۋ جولىنداعى زور جۇمىستاردىڭ بەل ورتاسىنداعى قوزعاۋشى تەتىك بولماق. اۋقىمدى مىندەتتەردى قۇزىرىنا العان اتالمىش كوميسسيانىڭ قۇرىلۋى جانە مەملەكەتتىك قۇرىلىستىڭ ودان ارعى ناقتى 100 قادامىنىڭ ازىرلەنەتىندىگى – قازاقستان مەملەكەتىنىڭ بولاشاعى ءۇشىن قاجەتتى قادامدار. بەكبول بازارباەۆ, ماڭعىستاۋ وبلىستىق مادەنيەت باسقارماسىنىڭ باسشىسى. اقتاۋ.