21 مامىردا اتاپ وتىلەتىن ونەر قايراتكەرلەرىنىڭ كاسىبي مەرەكەسىنە وراي ەلوردادا مادەنيەت قىزمەتكەرلەرىنىڭ فورۋمى ۇيىمداستىرىلادى, دەپ جازادى Egemen.kz.
19-21 مامىر ارالىعىندا وتەتىن جيىنعا مۋزەي, تەاتر, كىتاپحانا, ارحيۆ جانە مادەني-دەمالىس ۇيىمدارىنىڭ باسشىلارى مەن قىزمەتكەرلەرى, سونداي-اق شىعارماشىلىق زيالى قاۋىم مەن كرەاتيۆتى يندۋستريا وكىلدەرى قاتىسادى.
مادەنيەت جانە اقپارات مينيسترلىگىنىڭ مالىمەتىنشە, فورۋمعا قاتىسۋشىلار ءۇشىن مۋزەي ءىسى جانە تاريحي-مادەني مۇرا, كىتاپحانا جانە ارحيۆ ءىسى, تەاتر ونەرى جانە كونتسەرتتىك قىزمەت سەكتسيالارى, ارتەفاكتىلەردى ساقتاۋ جانە قالپىنا كەلتىرۋ, كوستيۋمدەردى دايىنداۋ تەحنولوگيالارى مەن بۋتافوريالار, كىتاپحانالاردى تسيفرلىق ترانسفورماتسيالاۋدىڭ زاماناۋي ستراتەگيالارى باعىتتارىندا وقىتۋ سەمينارلارى, ترەنينگتەر مەن شەبەرلىك سىنىپتارى ۇيىمداستىرىلادى.
ء«ىس-شارا اياسىندا مەملەكەتتىك مۋزەيلەر (وبلىستىق, اۋداندىق (قالالىق) ماڭىزى بار) جانە مەملەكەتتىك كىتاپحانالار (وبلىستىق, اۋداندىق (قالالىق), اۋىلدىق ماڭىزى بار), مەملەكەتتىك مادەني-دەمالىس ۇيىمدارى (وبلىستىق, اۋداندىق (قالالىق), اۋىلدىق) اراسىندا مادەنيەت جانە ونەر ۇيىمدارى مەن قىزمەتكەرلەرىنىڭ «رۋحاني قازىنا – 2025»رەسپۋبليكالىق فەستيۆالى وتەدى», دەلىنگەن مينيسترلىك حابارلاماسىندا.
ايتا كەتەيىك, بۇگىندە مادەنيەت جانە ونەر سالاسىندا 60 مىڭعا جۋىق ادام ەڭبەك ەتىپ ءجۇر.