ورال. 20 ماۋسىم. باتىس قازاقستان وبلىسىنىڭ ورتالىعى – ورال قالاسىندا ەلدى ەلەڭ ەتكىزگەن ۇرلىق بولدى. ناقتى ايتساق, وبلىستىق ىشكى ىستەر دەپارتامەنتى اكىمشىلىك پوليتسيا باسقارماسىنىڭ عيماراتىندا «سبەربانك»-ءتىڭ تەرمينالىنان اقشا ۇرلاندى. اتالعان تەرمينال جەرگىلىكتى جۇرگىزۋشىلەردىڭ ايىپپۇل تولەۋى ءۇشىن ورناتىلعان. بۇل تۋرالى egemen.kz ءتىلشىسى حابارلادى.
وقيعا 18 ماۋسىمنان 19-ىنا قاراعان تۇندە بولعان. ۇرىلار تەرمينالدى سىندىرۋ ارقىلى ىشىندەگى اقشانى قولدى ەتكەن. پوليتسيا قىزمەتكەرىنىڭ ايتۋىنشا, ۇرلىق تۋرالى تاڭەرتەڭ جۇمىسقا كەلگەن كەزدە بەلگىلى بولعان. اتالعان باسقارما قىزمەتكەرلەرى جۇمىسقا كەلگەن كەزدە تەرمينالدىڭ بەت جاعى سىنعانىن بايقاعان ەكەن.
نازار اۋدارار جايت, اپپارات تۇرعان بولمەگە تۇنگى مەزگىلدە كىرۋ مۇلدەم مۇمكىن ەمەس. سەبەبى, سىرتقى ەسىك مەتالل ەسىكپەن جانە تورمەن جابىلادى. ءتىپتى تەرەزەلەرىنە دە ءدال سونداي مەتالل تورلار ورناتىلعان. ودان بولەك, بولمەگە باسقارمانىڭ باس عيماراتى ارقىلى كىرۋگە بولادى. الايدا, ول جاقتا دا مەتالل ەسىك تۇر.
ازىرگە بۇل ۇرلىق تۋرالى وبلىستىق ىشكى ىستەر دەپارتامەنتى ناقتى تۇسىنىكتەمە بەرگەن جوق.
تەمىر قۇسايىن.
دەرەك: egemen.kz.
سۋرەت: uralskweek.kz.