بەينەجازبادا شەرزات پولاتتىڭ جەردە جاتقانىن, ال جانىندا اناسى گۇلبارا بيشەمبيەۆا تۇرعانىن كورۋگە بولادى. ءبىرازدان كەيىن بىرنەشە ادام كەلىپ, بالاعا جۇدىرىق جانە اياقپەن سوققى جاساي باستايدى. ۆيدەودا جەدەل-جاردەم شاقىرۋدى سۇراعان داۋىستار ەستىلەدى, دەپ حابارلايدى Egemen.kz.
شەرزات پولاتتى بىرنەشە ادام قولىمەن دە, اياعىمەن دە ۇرعانى كورىنىپ تۇر. ايىپتالۋشىلاردىڭ ءبىرى دارحان اسكەنتاي بۇل ساتتە توبەلەسكە قاتىسپاعانىن ايتتى.
«مەن نۇربول توقتاۋباەۆتىڭ ارتىنان ەرىپ بارا جاتتىم, ول كەزدە ول نۇرقانات عايىپباەۆتىڭ (شەرزاتتىڭ قايتىس بولعان اعاسى) ارتىنان بارا جاتقان ەدى. ونى توقتاتىپ, بالالاردى اجىراتۋعا تىرىستىم. نۇربول توقتاۋباەۆ پەن ابزال شىناسىلدى اجىراتتىم. ولار نۇرقاناتتى ۇرىپ جاتقان بولاتىن. ءبىر كەزدە مەنى شاتاستىرىپ, وزدەرى دە ءبىر-ەكى رەت ۇرىپ جىبەردى», دەدى سوتتا دارحان اسكەنتاي.