ۇلتتىق تەستىلەۋ ورتالىعى 2025 جىلعى ۇلتتىق بىرىڭعاي تەستىلەۋ (ۇبت) كۇندەرىنىڭ وزگەرگەنى تۋرالى رەسمي مالىمدەمە جاسادى. بۇل وزگەرىس مەكتەپتەردە وتەتىن سوڭعى قوڭىراۋ كۇنىمەن بايلانىستى ەنگىزىلىپ وتىر, دەپ حابارلايدى Egemen.kz.
ۇبت تاپسىرۋعا تىركەلگەن تالاپكەرلەر ءۇشىن تەستىلەۋ كۇندەرى كەلەسىدەي وزگەرەدى:
23 مامىرعا تىركەلگەندەر — ەندى 25 مامىردا تەست تاپسىرادى; 24 مامىرعا تىركەلگەندەر — 1 ماۋسىمدا ۇبت-عا قاتىسادى.ۇلتتىق تەستىلەۋ ورتالىعى تەستىلەۋدىڭ جاڭا كۇنى تۋرالى اقپارات تالاپكەرلەردىڭ app.testcenter.kz سايتىنداعى جەكە كابينەتتەرىندە اۆتوماتتى تۇردە جاڭارتىلاتىنىن, سونداي-اق SMS حابارلاما ارقىلى قوسىمشا ەسكەرتۋ جاسالاتىنىن مالىمدەدى.
ايتا كەتەيىك, وزگەرىستەر تەك 23 جانە 24 مامىر كۇندەرىنە تىركەلگەن تالاپكەرلەرگە قاتىستى. قالعان كۇندەردەگى تەستىلەۋ كەستەسى وزگەرىسسىز قالادى.