استانا. 3 تامىز. اقش-تىڭ نيۋ-مەكسيكو شتاتىنداعى ەكى بىردەي شىركەۋدە جارىلىس بولدى. لاس-كرۋسەس قالاسىندا ورىن العان توتەنشە جاعدايدان زارداپ شەككەندەر جوق. بۇل تۋرالى vesti.ru حابارلادى.
ءبىرىنشى جارىلىس باپتيستەر شىركەۋىندە بولدى. مەكسيكامەن شەكارادان 80 شاقىرىم جەردە تىركەلگەن جارىلىس ءمىناجات ءۇيىنىڭ قاسىنداعى پوشتا جاشىگىنە سالىنعان بومبا سالدارىنان ورىن الدى.
ارادا جارتى ساعات ۋاقىت وتكەندە وسى عيباداتحاناعا جاقىن جەردەگى كاتوليك شىركەۋىندە ەكىنشى جارىلىس تىركەلدى. پوليتسەيلەر بۇل جولى كۇدىكتىلەردىڭ جارىلعىش زاتتى قوقىس سالاتىن جاشىككە جاسىرىپ قويۋى مۇمكىن ەكەنىن ايتۋدا.
ەكى شىركەۋدەن دە كەلۋشىلەر مەن قۇلشىلىق قىلۋشىلار قاۋىپسىز جەرگە كوشىرىلدى. اپات عيماراتتارعا اسا كوپ شىعىن كەلتىرگەن جوق. قازىرگى تاڭدا تەرگەۋ امالدارى جۇرگىزىلۋدە. قۇقىق قورعاۋ ورگانىنىڭ وكىلدەرى جارىلىستاردىڭ ءبىر-بىرىمەن بايلانىسى بار دەپ سانايدى.
ەلامان قوڭىر.
دەرەك: vesti.ru.
سۋرەت: EPA.