مەملەكەتتىك ەڭبەك ينسپەكتورلارى رەسپۋبليكانىڭ 66 كاسىپورنى 1,7 مىڭنان استام جۇمىسكەرگە 672 ملن تەڭگەگە جالاقى بويىنشا بەرەشەك ەكەنىن جانە ءتۇرلى ۇيىمدارداعى ەڭبەك قۇقىعى بۇزىلۋىنىڭ 2,3 فاكتىسىن انىقتاپ, كاسىپورىنداردىڭ باسشىلارىنا ورىنداۋعا مىندەتتى 1 283 ۇيعارىم بەرىلىپ, 152 ملن تەڭگەدەن استام سوماعا ايىپپۇل سالىنعان. بۇل – 1 مامىرداعى جاعداي بويىنشا دەرەكتەر, دەپ جازادى Egemen.kz.
جالاقى بويىنشا بەرەشەكتى وتەۋدىڭ قاتاڭ كەستەلەرى مەن مەرزىمدەرىن بەلگىلەۋدىڭ ناتيجەسىندە 1,3 جۇمىسكەردىڭ قۇقىقتارى قورعالىپ, ولارعا 355,3 ملن تەڭگە تولەنگەن.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە 1 مامىرداعى جاعداي بويىنشا مەملەكەتتىك ەڭبەك ينسپەكتورلارى 1 891 تەكسەرۋ جۇرگىزدى, ونىڭ بارىسىندا 2 338 بۇزۋشىلىق انىقتالدى, ونىڭ ىشىندە: ەڭبەك سالاسىندا – 1 920; ەڭبەك قاۋىپسىزدىگى جانە ەڭبەكتى قورعاۋ بويىنشا – 401; حالىقتى جۇمىسپەن قامتۋ بويىنشا – 17.
قابىلدانعان شارالاردىڭ ناتيجەسىندە 13,8 مىڭ جۇمىسكەردىڭ ەڭبەك قۇقىعى قورعالعان.