استانا – ششۋچينسك اۆتوجولىنىڭ ءتورت نەگىزگى ۋچاسكەسىندە: شورتاندى, اقكول, الاكول جانە قاراجار اۋداندارىندا جول قاۋىپسىزدىگىنە بايلانىستى اقپارات بەرەتىن زاماناۋي ەلەكتروندىق تابلولار ورناتىلدى. بۇل تۋرالى ىشكى ىستەر مينيسترلىگى حابارلادى, دەپ جازادى Egemen.kz.
ولشەمى 8-دە 2 مەتر بولاتىن تابلو جۇرگىزۋشىلەردى جەدەل اقپاراتتاندىرۋ ءۇشىن ورناتىلعان. ماسەلەن, جول قاۋىپسىزدىگىنە قاتىستى بەلدىكتەردى تاعۋ تۋرالى ەسكەرتپە, جىلدامدىق رەجيمىن ساقتاۋ, تايعاق جول تۋرالى ەسكەرتۋلەر, قولايسىز اۋا رايى جاعدايلارى, جول جۇمىستارى جانە ىقتيمال قوزعالىس شەكتەۋلەرى حابارلانادى.
ءىىم ەلەكتروندىق تابلو كولىك ءجيى قاتىنايتىن جولداردا جاعدايدى لەزدە بايانداۋدىڭ ءتيىمدى ءتاسىلى ەكەنىن جەتكىزدى. «جوبا جول-كولىك وقيعالارىنىڭ سانىن ازايتۋعا جانە جالپى جۇرگىزۋ مادەنيەتىن ارتتىرۋعا باعىتتالعان. بولاشاقتا مۇنداي جۇيەلەردى ەلىمىزدىڭ باسقا اۆتوجولدارىندا دا ەنگىزۋ جوسپارلانىپ وتىر», دەلىنگەن مينيسترلىك حابارلاماسىندا.