پرەزيدەنت جاريالاعان جۇمىسشى ماماندىقتار جىلى شەڭبەرىندە كوللەدجدەردى ينتەرناتسيونالداندىرۋ بويىنشا سالالىق ۆەدومستۆو شەتەلدىك سەرىكتەستەرمەن كەلىسسوزدەر جۇرگىزىپ جاتىر, ولاردىڭ قاتارىندا شەتەلدەردىڭ جەتەكشى ءبىلىم بەرۋ ۇيىمدارى دا بار, دەپ جازادى Egemen.kz.
تەحنيكالىق جانە كاسىپتىك ءبىلىم دەپارتامەنتىنىڭ ديرەكتورى اسەت مۇحانبەتوۆتىڭ ايتۋىنشا, باستى ماقسات – وقۋ باعدارلامالارىن حالىقارالىق ستاندارتتارعا سايكەستەندىرۋ جانە زاماناۋي ەڭبەك نارىعىنىڭ سىن-قاتەرلەرىنە جاۋاپ بەرە الاتىن مامانداردى دايارلاۋعا جاعداي جاساۋ.
بيىل حالىقارالىق تاجىريبە الماساتىن سول 10 كوللەدجدىڭ قاتارىندا – ن.بەكبوسىنوۆ اتىنداعى ماڭعىستاۋ ەنەرگەتيكالىق كوللەدجى, استانانىڭ قوعامدىق تاماقتانۋ جانە سەرۆيس كوللەدجى, شىمكەنتتىڭ جەڭىل ونەركاسىپ جانە سەرۆيس كوللەدجى جانە باسقالارى بار, ولاردىڭ ستۋدەنتتەرى مەن پەداگوگتەرى جاپونيا, فرانتسيا, قىتاي, تۇركيا, تاعى باسقا ەلدەردىڭ كوللەدجدەرىندە جانە سەرىكتەس كاسىپورىندارىندا تاعىلىمدامادان ءوتىپ جاتىر.