استانا. 3 تامىز. نيگەريا ارمياسى ەلدىڭ سولتۇستىك-شىعىسىندا «بوكو حارام» لاڭكەستىك توبىندا كەپىلدىكتە بولعان 178 ادامدى قۇتقاردى. بۇل تۋرالى Channel News Asia حابارلادى.
كەپىلدىكتەن بوساتىلعانداردىڭ 100-دەن استامى بالالار جانە 67-ءسى ايەلدەر. قۇتقارۋ وپەراتسياسى نيگەريا اسكەرىنىڭ مايدۋگۋري قالاسى ماڭىنداعى ەلدى مەكەنگە باسا-كوكتەپ كىرۋ كەزىندە جۇزەگە استى.
«سونىمەن قاتار, «بوكو حارام» كومانديرلەرىنىڭ ءبىرى قولعا ءتۇستى. قازىر وعان قاتىستى تەرگەۋ جۇمىستارى جۇرگىزىلۋدە», – دەيدى نيگەريا ارمياسىنىڭ وكىلى.
بۇعان دەيىن اتالعان لاڭكەستىك توپتىڭ سودىرلارى ەلدىڭ سولتۇستىك-شىعىسىنداعى مالاري ەلدى مەكەنىنە شابۋىل جاساپ, 13 تۇرعىندى ولتىرگەنى تۋرالى اقپارات تاراعان بولاتىن.
ەلامان قوڭىر.
دەرەك: Channel News Asia.
سۋرەت: viewpointnigeria.com.