9 مامىردا قاراعاندى وبلىستىق تاريحي-ولكەتانۋ مۋزەيى جەڭىس ساياباعىندا ۇلى جەڭىستىڭ 80 جىلدىعىنا ارنالعان «ەرلىك ەلگە مۇرا, ۇرپاققا ۇران» اتتى اشىق اسپان استىنداعى كورمە-ينستاللياتسيا وتكىزدى, دەپ جازادى Egemen.kz.
كورمە قاراعاندىلىقتاردىڭ ۇلى وتان سوعىسىنداعى ەرلىگىن ۇرپاققا ۇلگى ەتىپ كورسەتۋ, ەلگە دەگەن سۇيىسپەنشىلىكتى, پاتريوتتىق رۋحتى دارىپتەۋ ماقساتىندا ۇيىمداستىرىلدى.
كورمەدە مۋزەي قورىنان الىنعان فوتوسۋرەتتەر, قۇجاتتار, مايدان حاتتارى, جاۋىنگەرلەردىڭ جەكە زاتتارى مەن اسكەري بۇيىمدار ۇسىنىلدى. سوعىس كەزىندەگى ەۆاكوگوسپيتالدى بەينەلەيتىن ينستاللياتسيالىق شاتىر كەلۋشىلەردىڭ قىزىعۋشىلىعىن تۋدىردى.