وتان قورعاۋشىلار كۇنى مەن جەڭىستىڭ 80 جىلدىعىنا وراي, رۋدنىي قالاسىنىڭ ورتالىق الاڭىندا قازاقستان رەسپۋبليكاسىنىڭ مەملەكەتتىك رامىزدەرى بەينەلەنگەن ەكسپوزيتسيالىق كەشەن اشىلدى, دەپ حابارلايدى Egemen.kz.
جاڭا نىسان بيىكتىگى 3 مەتر, ەنى ەكى مەتر بولاتىن ەكى ۇلكەن گرانيت تاقتادان, ەكەۋىنىڭ ورتاسىنان ورىن العان 20 مەترلىك تۋ تۇعىردان تۇرادى. ءبىرىنشى گرانيت تاقتادا ەلىمىزدىڭ مەملەكەتتىك گەربى بەينەلەنىپ, ونىڭ قىسقاشا سيپاتاماسى بەرىلگەن. ەكىنشى تاقتاعا قازاقستان رەسپۋبليكاسىنىڭ مەملەكەتتىك ءانۇرانى قاشالىپ جازىلعان. ال ورتاداعى بيىك تۋ تۇعىردا انادايدان كوز تارتىپ مەملەكەتتىك تۋىمىح جەلبىرەپ تۇر.
كەشەن تۇنگى ۋاقىتتا دا جارىقتىڭ كۇشىمەن جارقىراپ انىق كورىنىپ تۇرادى. الداعى ۋاقىتتا مەملەكەتتىك ماڭىزى بار سالتاناتتى ءىس-شارالاردىڭ دەنى وسى الاڭدا وتەتىن بولادى.
سالتاناتتى ءىس-شاراعا ارداگەرلەر, قالانىڭقۇرمەتتى ازاماتتارى, العاشقى قۇرىلىسشىلار, ەڭبەك مايتالماندارى, مەملەكەتتىك قىزمەتشىلەر, جاستار ۇيىمدارى مەن قالا تۇرعىندارى قاتىستى.
«بۇل كەشەن – ەلگە, تۋعا, تاريحىمىزعا دەگەن تاعزىمنىڭ بەلگىسى. مۇنداي نىساندار جاستاردى ەلجاندىلىققا تاربيەلەپ, تاريحي جادىنى جاڭعىرتادى. بۇل – بابالار اماناتىنا ادالدىقتىڭ بەلگىسى», دەيدى قالا تۇرعىنى جاڭبىرشى تىلەۋعابىلوۆ.
مەرەكەلىك جيىندا قالا اكىمى ۆيكتور يونەنكوكوپشىلىككە قۇتتىقتاۋ ءسوز ارناپ, جاڭا نىساننىڭ ءمان-ماڭىزى جونىندە وي قوزعادى.
«مەملەكەتتىك رامىزدەر ءبىزدىڭ ەلدىگىمىزدىڭ باستى بەلگىسى ەكەنىن بىلەسىزدەر. تاۋەلسىز قازاقستاننىڭ تۇتاستىعىن بىلدىرەتىن قاسيەتتى نىشاندار. بۇگىنگى ەكسپوزيتسيا – ەلدىك سانا مەن ۇلتتىق بىرەگەيلىكتى نىعايتاتىن ەرەكشە الاڭ. بۇل – تەك ارحيتەكتۋرالىق نىسان ەمەس, بۇل – حالقىمىزدىڭ جۇرەگىندە تەرەڭ ورنىققان تاۋەلسىزدىك رۋحىنىڭ ايعاعى. مەملەكەت باسشىسى قاسىم-جومارت كەمەل ۇلى توقاەۆ «باسەكەگە قابىلەتتى ۇلت بولۋ ءۇشىن ءبىز ەڭ الدىمەن رۋحاني تۇتاستىعىمىزدى ساقتاۋىمىز قاجەت» دەپ ايتقان ەدى. ءبىزدىڭ مىندەتىمىز – جاستارىمىزدىڭ بويىندا وتانعا دەگەن سۇيىسپەنشىلىكتى, مەملەكەتتىك رامىزدەرگە دەگەن قۇرمەتتى قالىپتاستىرۋ. بۇگىنگى ۇرپاق – ەرتەڭگى تاۋەلسىز قازاقستاننىڭ تىرەگى. سوندىقتان ءبىز ولاردى ۇلتتىق قۇندىلىقتارمەن سۋسىنداتىپ, تاريح پەن ەرلىكتىڭ قادىرىن بىلۋگە تاربيەلەۋىمىز كەرەك», دەدى قالا اكىمى.
ءىس-شارا بارىسىندا بىرقاتار ازاماتتارعا «رۋدنىي قالاسىنىڭ قۇرمەتتى ازاماتى» توسبەلگىسىتابىس ەتىلدى. ورتالىق الاڭعا جينالعان جۇرت مەرەكەلىك جيىن اياقتالعان سوڭ, ۇلكەن ەكراننان استانادا ءوتىپ جاتقان جەڭىستىڭ 80 جىلدىعىنا جانە وتان قورعاۋشىلار كۇنىنە ارنالعان اسكەري پارادتىڭ تىكەلەي كورسەتىلىمىن تاماشالادى.