بۇگىن ورال قالاسىنداعى «جايىق ارەنا» سپورت كەشەنىندە استانادا ۇيىمداستىرىلعان وتان قورعاۋشىلار كۇنىنە ارنالعان اسكەري شەرۋدىڭ تىكەلەي ەفير كورسەتىلىمى ءوتتى. بۇل شاراعا 1200-گە جۋىق قالا تۇرعىنى جينالىپ, ەلىمىزدىڭ باستى الاڭىندا وتكەن تاريحي ساتكە كۋا بولدى, دەپ حابارلايدى Egemen.kz.
كورسەتىلىم الدىندا جەرگىلىكتى ونەرپازدار – DDRECORDS توبى ارنايى كونتسەرتتىك باعدارلاما ۇسىنىپ, كورەرمەندەرگە پاتريوتتىق اندەر ارقىلى كوتەرىڭكى كوڭىل كۇي سىيلادى. اندەر مەن ونەر كورسەتىلىمدەرى وتانعا دەگەن سۇيىسپەنشىلىكتى ارتتىرىپ, ەلگە قىزمەت ەتۋدىڭ ماڭىزىن دارىپتەگەن.
شارانىڭ باستى ماقساتى – جاس ۇرپاقتى وتانسۇيگىشتىككە تاربيەلەۋ, اسكەري-پاتريوتتىق سانا مەن رۋحتى قالىپتاستىرۋ. ۇيىمداستىرۋشىلاردىڭ ايتۋىنشا, مۇنداي باستامالار جاستاردىڭ ەل قورعانى بولۋعا دەگەن ىنتاسىن ارتتىرادى.
ايتا كەتەيىك, وتان قورعاۋشىلار كۇنى – قازاقستاننىڭ تاۋەلسىزدىگى مەن قاۋىپسىزدىگىن قورعاپ جۇرگەن ەرلەردىڭ ەرلىگىنە تاعزىم ەتەتىن ەرەكشە كۇن. استانادان تىكەلەي كورسەتىلگەن اسكەري شەرۋ بۇل مەرەكەنىڭ ءمانى مەن ماڭىزىن تەرەڭىرەك سەزىنۋگە مۇمكىندىك بەردى.