استانا. 2 تامىز. عالىمدار گۆينەيادا ەبولا ۆيرۋسىنا قارسى ەكپەنى سىنامادان وتكىزىپ, وڭ ناتيجەگە قول جەتكىزدى. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنا سىلتەمە جاساعان BBC حابارلادى.
الدىن الا بەلگىلى بولعان دەرەكتەرگە سۇيەنسەك, جاڭا ءدارى 2 مىڭعا جۋىق ادامدى قاۋىپتى ۆيرۋستان امان ساقتاپ قالعان. ەڭ باستىسى, تاجىريبە 100 پايىزدىق ناتيجە كورسەتتى.
سوعان قاراماستان, ماماندار «ناقتى ءبىر قورىتىندى شىعارۋعا ءالى ەرتە», دەيدى. سەبەبى, ولار ەكپە بارلىق حالىققا تونگەن قاۋىپتىڭ بەتىن قايتاراتىنىن تەكسەرىپ ۇلگەرمەگەن. سوندىقتان ۆاكتسيناعا ءالى ليتسەنزيا بەرىلگەن جوق. الايدا, دارىگەرلەر ءدال وسى ەكپەنىڭ ەبولانىڭ الدىن الاتىنىنا سەنىم ءبىلدىرىپ وتىر.
ايتا كەتەيىك, اتالعان ۆيرۋس العاش رەت وتكەن جىلدىڭ اقپان ايىندا باتىس افريكادا انىقتالعان بولاتىن. سودان بەرى ەپيدەميا سالدارىنان 11 مىڭ ادام قازا تاپتى.
ەلامان قوڭىر.
دەرەك: BBC.
سۋرەت: mignews.com.