استانا. 1 تامىز. وتانداسىمىز بەكمان سويلىباەۆ كاسىبي بوكستا وسىمەن بەسىنشى رەت جەڭىسكە جەتتى. ول قارسىلاسىن 38 سەكۋندتا نوكاۋتقا ءتۇسىردى. بۇل تۋرالى 24.kz حابارلادى.
بەكمان سويلىباەۆتىڭ كاسىپقوي بوكستاعى كەزەكتى جەكپە-جەگى كاليفورنيانىڭ چينو قالاسىندا ءوتتى. ول مەكسيكالىق قارسىلاسى سەرحيو ناحەردى گونگ بەلگىسىنەن كەيىن اۋىر سوققىنىڭ استىنا الىپ, ەسەنگىرەتىپ تاستادى. ناتيجەسىندە ونىڭ جويقىن جۇدىرىعىنا شىداس بەرمەگەن ناحەر 38 سەكۋندتا نوكاۋتقا ءتۇستى.
ايتا كەتەيىك, بۇل بەكمان سويلىباەۆ ءۇشىن كاسىبي بوكستاعى بەسىنشى جەكپە-جەگى. سونداي-اق, وتانداسىمىز مەرزىمىنەن بۇرىن اياقتالعان ءۇشىنشى جەڭىسكە قول جەتكىزىپ وتىر.
تالعات رايىمبەك.
دەرەك, سۋرەت: 24.kz.