شىمكەنت جانە ستيۆەنەيدج

قالالارى باۋىرلاستىق قاتىناستارىنىڭ 25 جىلدىعىنا وراي شارالار ءوتتى جاقىندا وڭتۇستىك قازاقستان وبلىسى دەلەگاتسياسىنىڭ ۇلىبريتانياعا ساپارى بولدى. ساپار شىمكەنت جانە ستيۆەنەيدج قالالارىنىڭ اراسىندا باۋىرلاستىق قاتىناستاردىڭ ورناتىلعانىنا 25 جىل تولۋىنا وراي جانە ساۋدا-ەكونوميكالىق ىنتىماقتاستىقتى كەڭەيتۋ ماقساتىندا وتكىزىلدى. ساپار بارىسىندا قا­زاق­ستاندىق دەلەگاتسيا ستي­ۆە­نەيدج قالالىق كەڭەسى­نىڭ ءتورايىمى شارون تەي­لور­مەن, قالا باسشىسى سكوتت كراد­گينگتونمەن جانە سترا­تەگيالىق دامۋ دەپارتا­مەن­تىنىڭ ديرەكتورى مەتتيۋ پار­تريدجبەن كەزدەستى. قازاقستان دەلەگاتسيا­سى, سونىمەن بىرگە, حارفوردشير گرافتىعىنىڭ بيزنەس-كونفەرەنتسياسىنا قاتىسىپ, وڭ­تۇستىك قازاقستان وبلى­سى­نىڭ ەكونوميكالىق جانە ينۆەس­تي­تسيالىق مۇمكىن­دىك­تەرىن تا­نىستىردى. بيزنەس-كونفە­رەنتسيا بارىسىندا حارفورد­شير گرافتىعىنىڭ ساۋدا-ونەر­كاسىپ پالاتاسىنىڭ باسشىسى يولاندا راگگپەن, UKTI-CATBIG توراعاسى پي­تەر ليند­سەي­مەن جانە بري­تان­دىق ءبىر­قا­تار كومپانيا وكىل­دەرىمەن ىن­تى­ماق­­تاس­­تىق­تىڭ ناقتى جولدارى تالقىلاندى. قازاقستاندىق دەلەگاتسيا تاجىريبەسى وڭتۇستىك قا­زاق­ستان وبلىسىنداعى تەحنو­لو­گيالىق پاركتەردى جەتىلدى­رۋگە قولدانۋعا بولاتىن «Bio­Park» دامۋ جانە زەرتتەۋلەر ورتالىعىنا ۇلكەن قىزى­عۋ­شىلىق تانىتتى. ورتالىقتا عىلىمي-تەحنيكالىق زەرت­تەۋلەر جۇرگىزىپ, ەكونو­مي­كانىڭ ءتۇرلى سەكتورىنا يننوۆاتسيالىق تەحنولوگيالار جاساۋمەن جانە ەنگىزۋمەن اينالىساتىن الەمنىڭ 50-گە تارتا كومپانياسى جۇمىس ىستەيدى. دەلەگاتسيا, سونىمەن قاتار, حارفوردشير ۋنيۆەرسيتەتىنىڭ جاڭا ءدارى-دارمەك جاساۋ­مەن جانە قول­دا­نۋمەن شۇعىل­داناتىن فار­ما­تسەۆتيكالىق زەرت­حاناسىن ارالاپ كوردى. كەلىسسوز­دەر بارىسىندا زەرت­حانا باس­شى­لىعىنىڭ شىم­كەنت قالاسىنا ساپارىن ۇيىم­داستىرۋ جانە «سەيىتبەك اۋلەتى» جشس زەرتحاناشىلارىن حار­فورد­شير ۋنيۆەرسيتەتىندە تاعى­­لىمدامادان وتكىزۋ ءجونىن­دە ۋاعدالاستىققا قول جەت­كى­زىلدى. ساپار بارىسىندا تۋريزم جانە سپورت سالاسىنداعى ىنتى­ماقتاستىق ماسەلەلەرىنە ەرەكشە كوڭىل ءبولىندى. دەلەگاتسيا «ستيۆەنەيدج» فۋتبول كلۋبىنا جانە حارفوردشير بايداركا كەشەنىنە بارىپ, بايداركا جانە كانوەدە ەسكەك ەسۋدەن 2012 جىلعى وليمپيادا چەمپيونى ەتەن ستوتتپەن كەزدەستى. وڭتۇستىك قازاقستان وبلى­سىنىڭ دەلەگاتسياسى, سونى­مەن قاتار, لوندون قالا­سىندا بولىپ, «United King­dom Export and Finance» (UKEF), «United Kingdom Trade and Investment» (UKTI) اگەنت­تىكتەرىنىڭ وكىلدەرىمەن جانە بري­تاندىق بىرقاتار كومپانيا باسشىلىعىمەن كەزدەسۋلەر وتكىزدى. سونىمەن بىرگە, مان­چەستەر قالاسىنا ساپار جاساپ, قالا باسشىلىعىمەن جۇزدەستى جانە بىرقاتار ونەركاسىپ نىساندارىن ارالادى. «ەگەمەن-اقپارات».