اتىراۋ وبلىسىندا دا قىمبات كولىككە ءۇش سانى بىردەي نەمەسە ەكى ءنولى بار نومىرلەردى تاعىپ ءجۇرۋ سانگە اينالا باستادى. ءتىپتى, ونىڭ باعاسى قىمبات بولسا دا, ساتىپ الۋدان تارتىنبايتىندار قاتارى كوبەيىپ كەلەدى. اكىمشىلىك پوليتسيا باسقارماسىنىڭ ءبولىم باسشىسى ارمان ايازعاليەۆتىڭ ايتۋىنشا, بىلتىرعى قازاننان بەرى اتىراۋلىقتارعا 119 كولىك ءنومىرى ساتىلىپتى. ال بيىلعى جىل باستالىسىمەن كولىك يەلەرى وسىنداي 64 ءنومىردى ساتىپ الۋعا قوماقتى قارجى جۇمساعان.
جالپى, ۇلكەن سۇرانىس پەن قىزىعۋشىلىققا يە نومىرلەردى ساتۋدان بيۋدجەتكە 21 ميلليون تەڭگەدەن استام قارجى تۇسكەن. كولىك يەلەرىنىڭ قىزىعۋشىلىعى 271 مىڭ 554 تەڭگەگە باعالانعان – 111, 555, 888 جانە 451 مىڭ 896 تەڭگەلىك – 001, 007 ساندى نومىرلەرگە اۋىپ وتىر.
جولداسبەك شوپەعۇل,
«ەگەمەن قازاقستان».
اتىراۋ وبلىسى.