قىزىلوردا وبلىسى شيەلى اۋدانىنداعى بالاباقشالاردىڭ بىرىندە 1,5 جاسار بالانى قاتارلاستارى 25 رەت تىستەلەپ تاستاعان, دەپ حابارلايدى Egemen.kz.
بالاباقشا باسشىلىعىنىڭ ايتۋىنشا, تاربيەشى بولمەدەن شىعىپ كەتكەن كەزدە بالالار جالعىز قالعان, ءبارى سول كەزدە بولعان. ءبىر جارىم جاسار قىزدى 1 جاس 3 ايلىق بالا تىستەپ العان دەگەن بولجام بار.
زارداپ شەككەن قىزدىڭ اناسى قۇقىق قورعاۋ ورگاندارىنا ارىزدانعان.
شيەلى اۋداندىق پوليتسيا ءبولىمى اتالعان اقپارات نەگىزىندە كامەلەتكە تولماعان بالانىڭ قاۋىپسىزدىگىن قامتاماسىز ەتپەگەن بالاباقشا تاربيەشىسىنە شارا قولدانىلعانىن حابارلادى.
«قىزىلوردا وبلىستىق ءبىلىم باسقارماسىنا دا ءتيىستى ۇسىنىس جولداندى. قازىرگى ۋاقىتتا وبلىستىق پوليتسيا دەپارتامەنتىنىڭ كامەلەتكە تولماعاندار ءىسى جونىندەگى توبىنىڭ قىزمەتكەرلەرى پروفيلاكتيكالىق ءتۇسىندىرۋ جۇمىستارىن جۇرگىزىپ جاتىر», دەپ تولىقتىردى ۆەدومستۆودان.
سونىمەن قاتار, شيەلى اۋدانى ءبىلىم ءبولىمىنىڭ باسشىسى داۋرەن ناسيبەكوۆتىڭ ايتۋىنشا, قازىرگى ۋاقىتتا جاعداي زەردەلەنىپ جاتىر.