اتالعان جۇمىس – سۋارۋ ماۋسىمىن قالىپتى وتكىزىپ, ديقانداردى سۋارمالى سۋمەن تۇراقتى قامتاماسىز ەتۋ ماقساتىندا جاسالىپ جاتىر, دەپ جازادى Egemen.kz.
سالا مينيسترلىگىنىڭ «قازسۋشار» فيليالدارى الماتى, باتىس قازاقستان, شىعىس قازاقستان, جامبىل, قىزىلوردا, تۇركىستان, جەتىسۋ وبلىستارى بويىنشا جالپى ۇزىندىعى 2011 شاقىرىم بولاتىن كانالداردى مەحانيكالىق جولمەن تازارتىپ جاتىر, بۇگىندە 300 شاقىرىمنان استامى تازارتىلعان.
بيىل «قازسۋشار» فيليالدارى ديقاندارمەن 12,7 ملرد تەكشە مەتر سۋ جەتكىزۋ ءۇشىن 27,8 مىڭنان استام شارت جاساماق, بۇگىندە 11 700 شارت جاسالعان.
«ۆەدومستۆو ورتالىق ازيا ەلدەرىمەن كەلىسسوزدەر جۇرگىزدى. ناتيجەسىندە سىرداريا وزەنى ارقىلى 3,7 ملرد تەكشە مەتر سۋ كەلەدى. شۋ جانە تالاس وزەندەرىمەن 600 ملن تەكشە مەتردەن استام سۋ جەتكىزىلەدى», دەدى ۆيتسە-ءمينيسترى ەربولات يبرايحانوۆ.