ەر ادام تابىلعان وق-دارىلەردىڭ بارلىعىن پوليتسياعا تاپسىرعان. بۇل ءۇشىن مەملەكەتتەن 327 مىڭ تەڭگەدەن استام سىياقى الادى, دەپ حابارلايدى Egemen.kz.
پوليتسيانىڭ كەزەكشى بولىمىنە ماي اۋدانىندا تۇراتىن ەر ادامنان قوڭىراۋ تۇسكەن. ول ءوز ءۇيىنىڭ جانىنداعى مال قوراسىنان 3 مىڭعا جۋىق مىلتىق پاتروندارىن تاۋىپ العانىن حابارلاعان.
«تۇرعىن نىسانداعى اعاش ەدەندەردى بۇزىپ ءجۇرىپ, 9 مم كاليبرلى مىلتىقتىڭ 2913 دانا پاترونىن تاۋىپ العان. وق-دارىلەردى ول ءوز ەركىمەن پوليتسياعا تاپسىراتىنىن مالىمدەدى. 21 ساۋىردەن باستاپ ەرتىس-بايان وڭىرىندە حالىق اراسىندا زاڭسىز ساقتالعان اتىس قارۋىن, وق-دارىلەردى جانە جارىلعىش زاتتاردى ەرىكتى تۇردە ساتىپ الۋ جونىندەگى رەسپۋبليكالىق اكتسيا باستالعان. اكتسيا شارتتارىنا سايكەس, ساراپتاما ناتيجەلەرى بويىنشا اۋىل تۇرعىنى مەملەكەتتەن وتەماقى الادى. تولەمنىڭ بولجامدى سوماسى - 327 246,42 تەڭگە», دەپ مالىمدەدى وڭىرلىك پوليتسيا دەپارتامەنتىنىڭ ءباسپاسوز قىزمەتىنەن.
اكتسيا باستالعاننان بەرى ايماق تۇرعىندارىنان 16 مىلتىق جانە 3 مىڭعا جۋىق پاترون قابىلدانعان. قارۋلار بالليستيكالىق ساراپتاماعا جىبەرىلگەن. ولاردىڭ ناتيجەلەرى بويىنشا جالپى سوماسى 1,5 ملن تەڭگەدەن استام سوماعا سىياقى تولەۋ تۋرالى شەشىم قابىلدانادى.