قر دەنساۋلىق ساقتاۋ ءمينيسترى اقمارال ءالنازاروۆا شىمكەنت قالاسى اكىمىنىڭ ورىنباسارى رۋسلان بەردەنوۆتىڭ قازىرگى جاعدايى تۋرالى ايتىپ بەردى, دەپ حابارلايدى Egemen.kz.
اقمارال ءالنازاروۆا بەردەنوۆتىڭ جاعدايى ءالى تۇراقتى, بىراق اۋىر ەكەنىن ايتتى.
«حيرۋرگتاردىڭ ەكى بريگاداسى كەلگەننەن كەيىن ءتورت ساعات ىشىندە بارلىق قاجەتتى شۇعىل وپەراتسيالىق كومەك كورسەتىلدى. ناۋقاسقا وتا جاسالىپ, جاعدايى تۇراقتاندىرىلدى. قازىرگى تاڭدا ونىڭ جاعدايى تۇراقتى. ول وزدىگىنەن ءجۇرىپ-تۇرا الادى, بىراق ءالى دە دارىگەرلەردىڭ باقىلاۋىندا», دەپ ءتۇسىندىردى ۆەدومستۆو باسشىسى سەيسەنبى كۇنى قر ۇكىمەتىنىڭ وتىرىسىندا.
ەسكە سالا كەتەيىك, 21 ءساۋىر كۇنى ساعات 20:30 شاماسىندا شىمكەنت قالاسى اكىمدىگى عيماراتىنىڭ ماڭىندا قالا اكىمىنىڭ ورىنباسارى رۋسلان بەردەنوۆكە قارۋلى شابۋىل جاسالدى. ونىڭ جامباس جانە يىق تۇسىنان وق جاراقاتىن الىپ, اۋرۋحاناعا جاتقىزىلعانى حابارلانعان بولاتىن.