بۇگىن ۇكىمەت وتىرىسىندا «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسىنىڭ ىسكە اسىرىلۋ بارىسى تالقىلاندى, دەپ جازادى Egemen.kz.
دەنساۋلىق ساقتاۋ ءمينيسترى اقمارال ءالنازاروۆا «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسىنىڭ مىندەتتەرىنىڭ ءبىرى اۋىل تۇرعىندارىنا شۇعىل مەديتسينالىق كومەك كورسەتۋدى قامتاماسىز ەتۋ ەكەنىن ايتتى.
بۇل مىندەتتى جۇزەگە اسىرۋ ماقساتىندا زاماناۋي 32 كوپسالالى ورتالىق اۋداندىق اۋرۋحانانى (كواا) پايدالانۋعا بەرۋ كوزدەلىپ وتىر.
«قازىر 6 اۋرۋحانانىڭ قۇرىلىس جۇمىستارى اياقتالدى. 2025 جىلدىڭ سوڭىنا دەيىن تاعى 12 كوپسالالى ورتالىق اۋداندىق اۋرۋحانانى پايدالانۋعا بەرۋ جوسپارلانعان. وعان 98 مەديتسينا قىزمەتكەرلەرىن دايارلاپ جىبەرۋ قاراستىرىلىپ جاتىر. قالعان 14 نىساننىڭ قۇرىلىس جۇمىستارى 2026 جىلدىڭ سوڭىنا دەيىن اياقتالادى», دەدى مينيستر.