قازاقستان پرەزيدەنتى نۇرسۇلتان نازارباەۆتىڭ اتىنا مەملەكەت, ۇكىمەت باسشىلارىنان, حالىقارالىق ۇيىمداردىڭ جەتەكشىلەرىنەن سايلاۋداعى جەڭىسىنە بايلانىستى قۇتتىقتاۋلار ءالى دە كەلىپ جاتىر
ەلباسى نۇرسۇلتان نازارباەۆ تەلەفون ارقىلى ەگيپەت پرەزيدەنتى ابدەل فاتتاح اس-سيسيمەن سويلەستى, دەپ حابارلادى پرەزيدەنتتىڭ ءباسپاسوز قىزمەتى.
ەگيپەت پرەزيدەنتى ابدەل فاتتاح اس-سيسي مەملەكەت باسشىسىن پرەزيدەنتتىك سايلاۋداعى تاريحي جەڭىسىمەن جانە قىزمەتىنە كىرىسۋىمەن قۇتتىقتادى.
اڭگىمەلەسۋ بارىسىندا ەكى مەملەكەت باسشىلارى قازاقستان-ەگيپەت ىنتىماقتاستىعىنىڭ باسىمدىعى بار باعىتتارىن تالقىلاپ, ساۋدا-ەكونوميكا سالاسىنداعى ءوزارا ءىس-قيمىلدى جانداندىرۋ جولدارىن پىسىقتادى.
ابدەل فاتتاح اس-سيسي ەلدەرىمىز اراسىنداعى سان عاسىرلىق دوستىق پەن ءوزارا ءتيىمدى ىنتىماقتاستىققا نەگىزدەلگەن قارىم-قاتىناستىڭ الداعى ۋاقىتتا دا قازاقستان مەن ەگيپەتتىڭ دوستاس حالىقتارى مۇددەسىنە ءتيىمدى قىزمەت ەتە بەرەتىنىنە سەنىم ءبىلدىردى.
* * *
مەملەكەت باسشىسى نۇرسۇلتان نازارباەۆ تەلەفون ارقىلى چەح رەسپۋبليكاسىنىڭ پرەزيدەنتى ميلوش زەمانمەن سويلەستى, دەپ حابارلادى پرەزيدەنتتىڭ ءباسپاسوز قىزمەتى.
م.زەمان نۇرسۇلتان نازارباەۆتى پرەزيدەنتتىك سايلاۋداعى ايقىن جەڭىسىمەن قۇتتىقتاپ, قازاقستان كىرىسىپ جاتقان اۋقىمدى رەفورمالاردى جۇزەگە اسىرۋ ىسىندە تابىس تىلەدى.
ەكى مەملەكەتتىڭ باسشىلارى چەحيا پرەزيدەنتىنىڭ ەلىمىزگە 2014 جىلعى قاراشادا جاساعان ساپارىنىڭ قورىتىندىسىن ەسكەرە وتىرىپ, ەكىجاقتى قارىم-قاتىناستى دامىتۋدىڭ پەرسپەكتيۆالارىن تالقىلادى.
ءاڭگىمەلەسۋگە چەحيالىق تاراپ باستاماشىلىق ەتتى.
* * *
نۇرسۇلتان نازارباەۆتىڭ قازاقستان پرەزيدەنتى بولىپ سايلانۋىنا بايلانىستى يزرايل پرەمەر-ءمينيسترى بەنيامين نەتانياحۋدان قۇتتىقتاۋ جەدەلحاتى كەلدى, دەپ حابارلادى پرەزيدەنتتىڭ ءباسپاسوز قىزمەتى.
ب.نەتانياحۋ ەلىمىزدىڭ ەكونوميكالىق ءوسىپ-ءوركەندەۋ جولىمەن بۇدان ءارى دە ىلگەرىلەي تۇسۋىنە نيەتتەستىك ءبىلدىردى.
«الداعى جىلدارى يزرايل مەن قازاقستان اراسىنداعى قارىم-قاتىناستى نىعايتۋ جۇمىسىن سىزبەن بىرلەسە وتىرىپ جالعاستىرامىز دەگەن ءۇمىتتەمىن», – دەلىنگەن جەدەلحاتتا.
نۇرسۇلتان نازارباەۆتىڭ قازاقستان پرەزيدەنتى بولىپ سايلانۋىنا بايلانىستى ومان سۇلتانى كابۋس بەن سايدتان قۇتتىقتاۋ جەدەلحاتى كەلدى, دەپ حابارلادى پرەزيدەنتتىڭ ءباسپاسوز قىزمەتى.
كابۋس بەن سايد نۇرسۇلتان نازارباەۆتى قازاقستان پرەزيدەنتى لاۋازىمىنا قايتا سايلانۋىمەن قۇتتىقتادى.
«ءسىزدىڭ وسى لاۋازىمداعى قىزمەتىڭىزدىڭ جالعاسۋى كەزىندە ءبىز حالىقتارىمىزدىڭ ورتاق يگىلىگى ءۇشىن ىنتىماقتاستىعىمىزدىڭ اياسىن كەڭەيتۋگە دەگەن شىنايى ىقىلاسىمىزدى جەتكىزگىمىز كەلەدى», – دەلىنگەن جەدەلحاتتا.
ومان سۇلتانى دوستاس قازاقستان حالقىنىڭ بۇدان ءارى ىلگەرىلەۋى مەن ءوسىپ-وركەندەۋىنە باعىتتالعان مەملەكەت باسشىسىنىڭ باستامالارىنا تابىس تىلەدى.
* * *
نۇرسۇلتان نازارباەۆتىڭ قازاقستان پرەزيدەنتى بولىپ سايلانۋىنا بايلانىستى مولدوۆا رەسپۋبليكاسىنىڭ پرەزيدەنتى نيكولاە تيموفتيدەن قۇتتىقتاۋ جەدەلحاتى كەلدى, دەپ حابارلادى پرەزيدەنتتىڭ ءباسپاسوز قىزمەتى.
ن.تيموفتي نۇرسۇلتان نازارباەۆتىڭ پرەزيدەنتتىك سايلاۋداعى ايقىن جەڭىسىنە بايلانىستى شىن جۇرەكتەن قۇتتىقتايتىنىن جەتكىزدى.
مولدوۆا پرەزيدەنتى قازاقستان ازاماتتارىنىڭ ەرىك-قالاۋى مەن سايلاۋدا قول جەتكىزىلگەن ناتيجە قازاقستان قوعامىن رەفورمالاۋدى جالعاستىرۋ جانە رەسپۋبليكانى الەمدىك قوعامداستىقپەن ىقپالداستىرۋ جولىمەن ىلگەرىلەتۋ باعىتىندا جۇرگىزىلىپ كەلە جاتقان ەلدەگى ساياساتتى قولداۋدىڭ دالەلى ەكەنىن اتاپ وتكەن.
«جوعارى مەملەكەتتىك لاۋازىمداعى ءسىزدىڭ قىزمەتىڭىز قازاقستاننىڭ ودان ءارى ءوسىپ-وركەندەۋىنە جانە ەكى ەلدىڭ دە حالقىنىڭ يگىلىگى ءۇشىن ءوزارا ءتيىمدى مولدوۆا-قازاقستان ىنتىماقتاستىعىنىڭ ورىستەۋىنە سەپتىگىن تيگىزەدى دەپ نىق سەنىم بىلدىرەمىن», – دەلىنگەن جەدەلحاتتا.
سونداي-اق, ن.تيموفتي قازاقستان پرەزيدەنتىن رەسمي ساپارمەن مولدوۆاعا كەلۋگە شاقىرىپ, ساپار ەكى ەل اراسىنداعى ءداستۇرلى دوستىق قارىم-قاتىناستار اياسىن كەڭەيتۋگە جانە ونى تەرەڭدەتە تۇسۋگە ەلەۋلى سەرپىن بەرەرىنە سەنىم ءبىلدىردى.
نۇرسۇلتان نازارباەۆقا مولدوۆا پرەزيدەنتى مىقتى دەنساۋلىق, جوعارى مەملەكەتتىك قىزمەتتە تابىس, ال قازاقستان حالقىنا تاتۋلىق پەن باق-بەرەكە تىلەدى.
* * *
ساۋد ارابياسىنىڭ كورولى سالمان بەن ابدەل ءازيز ءال ساۋد نۇرسۇلتان نازارباەۆقا قازاقستان رەسپۋبليكاسى پرەزيدەنتى لاۋازىمىنا سايلانۋىنا بايلانىستى قۇتتىقتاۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
سالمان بەن ابدەل ءازيز ءال ساۋد نۇرسۇلتان نازارباەۆتى قازاقستان رەسپۋبليكاسى پرەزيدەنتى لاۋازىمىنا قايتا سايلانۋىنا بايلانىستى ساۋد ارابياسى ۇكىمەتىنىڭ جانە حالقىنىڭ اتىنان قۇتتىقتاپ, وعان مىقتى دەنساۋلىق, ال دوستاس قازاقستان حالقىنا باق-بەرەكە تىلەدى.
«وسى مۇمكىندىكتى پايدالانا وتىرىپ, ءبىز ساۋد ارابياسى مەن قازاقستاننىڭ اراسىنداعى باۋىرلاستىق, دوستىق بايلانىستى جوعارى باعالايتىنىمىزدى ايتقىم كەلەدى. باۋىرلاس ەلدەرىمىز اراسىنداعى ءوزارا قارىم-قاتىناستاردى بارلىق سالادا بۇدان ءارى دە نىعايتىپ, دامىتا بەرۋگە نيەتتىمىز», – دەلىنگەن جەدەلحاتتا.
* * *
يران يسلام رەسپۋبليكاسىنىڭ پرەزيدەنتى ح.رۋحاني نۇرسۇلتان نازارباەۆتى قازاقستان پرەزيدەنتى لاۋازىمىنا قايتا سايلانۋىمەن قۇتتىقتادى, دەپ حابارلادى پرەزيدەنتتىڭ ءباسپاسوز قىزمەتى.
«حالىق جاساعان تاڭداۋ ءبىزدىڭ ەكىجاقتى ىنتىماقتاستىعىمىز اياسىندا جوسپارلانعان باعدارلامالاردى جۇزەگە اسىرۋدا جەمىستى جۇمىس ىستەۋىمىزگە جاقسى مۇمكىندىك بەرەدى», – دەلىنگەن جەدەلحاتتا.
يران پرەزيدەنتى ەلباسىنا مىقتى دەنساۋلىق پەن زور تابىس, ال دوستاس قازاقستان حالقىنا باق-بەرەكە تىلەدى.
* * *
نۇرسۇلتان نازارباەۆقا قازاقستان پرەزيدەنتى لاۋازىمىنا سايلانۋىنا بايلانىستى شۆەيتساريا كونفەدەراتسياسىنىڭ پرەزيدەنتى سيمونەتتا سوممارۋگا قۇتتىقتاۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
س.سوممارۋگا شۆەيتساريا فەدەرالدىق كەڭەسى اتىنان نۇرسۇلتان نازارباەۆتى قازاقستان رەسپۋبليكاسىنىڭ پرەزيدەنتى لاۋازىمىنا قايتا سايلانۋىمەن قۇتتىقتادى.
«قازاقستاندا رەفورمالاردى جۇزەگە اسىرۋ جانە دەموكراتيانى نىعايتۋ باعىتىنداعى ءسىزدىڭ كۇش-جىگەرىڭىزدىڭ بارىنشا تابىستى بولۋىن تىلەيمىن. ەلدىڭ ءال-اۋقاتىن ارتتىرۋ جونىندەگى ساياساتىڭىز ءساتتى بولادى دەپ ۇمىتتەنەمىن. ءبىز بۇدان ءارى دە ورتاق مۇددە جولىندا ەلدەرىمىز اراسىنداعى يگى قارىم-قاتىناستى دامىتا الاتىنىمىزعا سەنىمدىمىن. شۆەيتساريانىڭ استانادا وتەتىن «ەكسپو-2017» كورمەسىنە قاتىسۋى سەرىكتەستىگىمىزدىڭ اياسىن كەڭەيتە تۇسۋگە تاماشا مۇمكىندىك تۋدىرادى», – دەلىنگەن جەدەلحاتتا.
* * *
سلوۆاكيا رەسپۋبليكاسىنىڭ پرەزيدەنتى اندرەي كيسكا نۇرسۇلتان نازارباەۆتى قازاقستان رەسپۋبليكاسىنىڭ پرەزيدەنتى لاۋازىمىنا قايتا سايلانۋىمەن قۇتتىقتادى, دەپ حابارلادى پرەزيدەنتتىڭ ءباسپاسوز قىزمەتى.
«ەلدەرىمىز اراسىنداعى دوستىق قاتىناستار مەن سىندارلى ديالوگ الداعى ۋاقىتتا دا ءوزارا مۇددەلىك بار بارلىق سالادا نىعايا وتىرىپ ورىستەي بەرەتىنىنە سەنىمدىمىن», – دەلىنگەن جەدەلحاتتا.
سلوۆاكيا پرەزيدەنتى مەملەكەت باسشىسىنا مىقتى دەنساۋلىق, قازاقستان ازاماتتارىنىڭ يگىلىگى جانە ەلدى بەيبىت ءارى ورنىقتى دامىتۋ جولىنداعى قىزمەتىنە تابىس تىلەدى.
* * *
نۇرسۇلتان نازارباەۆقا قازاقستان پرەزيدەنتى لاۋازىمىنا سايلانۋىنا بايلانىستى اۋعانستان يسلام رەسپۋبليكاسىنىڭ پرەزيدەنتى اشراف گاني احمادزايدىڭ قۇتتىقتاۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
ا.احمادزاي نۇرسۇلتان نازارباەۆتى قازاقستان رەسپۋبليكاسىنىڭ پرەزيدەنتى لاۋازىمىنا قايتا سايلانۋىمەن قۇتتىقتادى.
اۋعانستان پرەزيدەنتى ەكى ەل اراسىنداعى ىنتىماقتاستىق اياسىنىڭ ودان ءارى كەڭەيۋىنەن ۇمىتتەنەتىنىن جەتكىزىپ, مەملەكەت باسشىسىنا تابىس, ال دوستاس قازاقستان حالقىنا باقىت پەن قۇت-بەرەكە تىلەدى.
* * *
نيدەرلاند پرەمەر-ءمينيسترى مارك ريۋتتە نۇرسۇلتان نازارباەۆتى قازاقستان پرەزيدەنتى لاۋازىمىنا قايتا سايلانۋىمەن قۇتتىقتادى, دەپ حابارلادى پرەزيدەنتتىڭ ءباسپاسوز قىزمەتى.
«ءسىزدىڭ نيدەرلاندقا ساپارىڭىزدى جانە ءبىزدىڭ 2014 جىلعى ناۋرىزداعى سىندارلى كەزدەسۋىمىزدى جىلى سەزىممەن ەسكە الامىن. ءوزارا ساياسي جانە ەكونوميكالىق بايلانىستاردى ودان ءارى دامىتۋ ەلدەرىمىزگە يگى ىقپال ەتە الادى, سوندىقتان مەن ءوزارا مۇددەلىلىك بار ماسەلەلەردىڭ كەڭ اۋقىمى بويىنشا سىندارلى ديالوگىمىزدى جالعاستىراتىنىمىزعا سەنىمدىمىن. بۇدان ءارى دە ەكىجاقتى جانە كوپجاقتى نەگىزدەگى ىنتىماقتاستىقتان ءۇمىتتىمىن», – دەلىنگەن جەدەلحاتتا.
نيدەرلاند پرەمەر-ءمينيسترى قازاقستان كىرىسىپ جاتقان رەفورمالار باعدارىن دا اتاپ ءوتتى.
«سىزدەردىڭ جاڭعىرتۋ جونىندەگى جوسپارلارىڭىز گوللاندتىق كومپانيالاردىڭ يننوۆاتسيالىق سيپاتىمەن سايكەسەدى. ءبىزدىڭ كومپانيالارىمىزدىڭ كوپتەگەن سالادا, اسىرەسە, ەنەرگەتيكا, مۇناي حيمياسى جانە اۋىل شارۋاشىلىعىندا بەرىك بايلانىستارى بار. الدا ءبىزدى كوپتەگەن مۇمكىندىكتەر كۇتىپ تۇرعانىنا سەنىمدىمىن», – دەلىنگەن قۇتتىقتاۋدا.
* * *
اقش مەملەكەتتىك حاتشىسى دجون كەرري نۇرسۇلتان نازارباەۆقا قازاقستان رەسپۋبليكاسى پرەزيدەنتى لاۋازىمىنداعى جاڭا مەرزىمىنىڭ باستالۋىنا بايلانىستى ەڭ جاقسى تىلەكتەرىن ءبىلدىردى, دەپ حابارلادى پرەزيدەنتتىڭ ءباسپاسوز قىزمەتى.
«اقش قازاقستاننىڭ ۇكىمەتىمەن جانە حالقىمەن قاۋىپسىزدىك, باقۋاتتىلىق, ادام قۇقىعى سالاسىندا, سونداي-اق, قازاقستاندا جانە وڭىردە دەموكراتيالىق, تاۋەلسىز ينستيتۋتتاردى, ازاماتتىق قوعامدى دامىتۋداعى ورتاق ماقساتتار بويىنشا بىرگە جۇمىس ىستەۋدەن ۇمىتتەنەدى. ءبىز حالىقتارىمىزدىڭ اراسىنداعى بايلانىستاردى كەڭەيتۋگە بەيىلدىمىز. اقش قازاقستانمەن وڭىرلىك جانە جاھاندىق قاۋىپسىزدىكتى ساقتاۋداعى ستراتەگيالىق سەرىكتەس رەتىندە, سونداي-اق, قازاقستان كوشباسشى بولىپ تابىلاتىن يادرولىق قارۋ تاراتپاۋ سالاسىندا بىرگە جۇمىس ىستەۋگە دايىن. ءبىز بۇدان ءارى دە قازاقستاننىڭ ەل ەكونوميكاسىن ءارتاراپتاندىرۋ, وڭىرلىك ەكونوميكالىق ىنتىماقتاستىقتى كەڭەيتۋ جونىندەگى ۇمتىلىسىنا ىقپال ەتۋگە دايىنبىز», – دەلىنگەن جەدەلحاتتا.
____________________________
ەلباسىنىڭ اتىنا مەملەكەتتەر مەن ۇكىمەتتەر باسشىلارىنان, شەتەل مەملەكەتتەرىنىڭ زاڭ شىعارۋشى ورگاندارى وكىلدەرىنەن, شەتەلدىك كومپانيالار جەتەكشىلەرىنەن قۇتتىقتاۋلار ءالى كەلىپ تۇسۋدە, دەپ حابارلادى پرەزيدەنتتىڭ ءباسپاسوز قىزمەتى.
يزرايل پرەزيدەنتى ر.ريۆلين ەل حالقىنىڭ جانە جەكە ءوزىنىڭ اتىنان نۇرسۇلتان نازارباەۆقا قازاقستان پرەزيدەنتى لاۋازىمىنا قايتا سايلانۋىنا بايلانىستى قۇتتىقتاۋىن جولدادى.
«سىزگە الدا تۇرعان مىندەتتەردى شەشۋ ىسىندە تابىس تىلەيمىن. سونداي-اق, يزرايل مەن قازاقستان اراسىنداعى قارىم-قاتىناستار ءارى قاراي دا نىعايا بەرەتىنىنە سەنىم بىلدىرەمىن», – دەلىنگەن جەدەلحاتتا.
* * *
مۇراگەر حانزادا, ساۋد ارابياسى كورولدىگى مينيسترلەر كەڭەسى توراعاسىنىڭ ورىنباسارى, ىشكى ىستەر ءمينيسترى مۇحامماد بەن نايف بەن ابدەل ءازيز ءال ساۋد نۇرسۇلتان نازارباەۆتى قازاقستان پرەزيدەنتى لاۋازىمىنا قايتا سايلانۋىمەن قۇتتىقتاپ, مىقتى دەنساۋلىق پەن باقۋاتتىلىق, ال قازاقستان حالقىنا باق-بەرەكە تىلەدى.
* * *
ماگاتە باس ديرەكتورى يۋ.امانو قازاقستان ۇزاق ۋاقىتتان بەرى ۇيىمنىڭ يادرولىق تەحنولوگيالاردى بەيبىت ماقساتتا قولدانۋ جانە يادرولىق قارۋ تاراتۋ قاۋپىنە قارسى كۇرەس سالاسىنداعى سەرىكتەسى بولىپ سانالاتىنىن اتاپ ءوتتى. ول, سونداي-اق, جۇزەگە اسىرۋ ىسىنە ءبىزدىڭ ەلىمىز دە قاتىساتىن ءتۇرلى باستامالار اياسىنداعى ىنتىماقتاستىقتى جالعاستىرۋعا دايىن ەكەنىن ءبىلدىردى.
* * *
كوشى-قون جونىندەگى حالىقارالىق ۇيىمنىڭ باس ديرەكتورى ۋ.سۆينگ قازاقستان وسى ۇيىمنىڭ بەلدى مۇشەسى ەكەنىن اتاي وتىرىپ, ءبىزدىڭ ەلمەن ىنتىماقتاستىقتى جالعاستىرۋعا جانە نىعايتۋعا دايىن ەكەنىن ايتقان.
* * *
امەريكالىق مەملەكەتتەر ۇيىمىنىڭ باس حاتشىسى ح.ينسۋلسا نۇرسۇلتان نازارباەۆتى قازاقستان رەسپۋبليكاسى پرەزيدەنتى لاۋازىمىنا قايتا سايلانۋىمەن قۇتتىقتادى.
«قازاقستان 1996 جىلدان بەرى امەريكا مەملەكەتتەرى ۇيىمىنىڭ تۇراقتى باقىلاۋشىسى بولىپ تابىلادى. ءبىز سوڭعى جىلدارى, اسىرەسە, جان-جاقتى دامۋ, مەملەكەتتىك باسقارۋ جانە ايەلدەر مەن بالالار قۇقىعىن قورعاۋ سالاسىندا قول جەتكەن سەرىكتەستىك پەن ىنتىماقتاستىق دەڭگەيىنە قاناعاتتانامىز. سىزگە تابىس تىلەيمىن جانە ءسىزدىڭ ۇكىمەت امەريكا وڭىرىمەن اراداعى ديالوگ پەن ىنتىماقتاستىقتى ءارى قاراي نىعايتۋ ماقساتىندا ءبىزدىڭ ۇيىممەن ءوزارا ىقپالداستىقتى جالعاستىرادى دەپ ۇمىتتەنەمىن», – دەپ جازادى اۆتور.
* * *
ەنەرگەتيكالىق حارتيا باس حاتشىسى ۋ.رۋسناك «قازاقستان-2050» ستراتەگياسى بارشا قازاقستاندىقتاردىڭ تۇرمىسىن جاقسارتۋعا باعىتتالعان ناقتى ىستەرمەن تولتىرىلعانىنا نازار اۋدارعان.
«الەمنىڭ دامىعان 30 مەملەكەتىنىڭ قاتارىنا ەنۋ جونىندەگى ءسىز قويعان ماقسات تاياۋ بولاشاقتا مىندەتتى تۇردە ورىندالادى», – دەلىنگەن جەدەلحاتتا.
* * *
مەملەكەتارالىق ۋكراينا-قازاقستان قارىم-قاتىناستار ينستيتۋتىنىڭ ديرەكتورى ن.ستەپانەنكو قازاقستاندا وتكەن سايلاۋ سايلاۋشىلار ەڭ كوپ قاتىسقان سايلاۋ رەتىندە تاريحقا ەنىپ, بۇكىل الەمگە تۇتاستىقتىڭ قۋاتىن پاش ەتكەنىن اتاپ وتكەن.
«ءبىز ءسىزدىڭ قازاقستان مەن ۋكراينا قارىم-قاتىناستارىن نىعايتۋعا قوسقان ۇلەسىڭىزدى جوعارى باعالايمىز. بۇكىل تاۋەلسىزدىك جىلدارى بويى ءبىزدىڭ باۋىرلاس حالىقتارىمىزدىڭ ءوزارا قارىم-قاتىناسىنىڭ ارحيتەكتورى تەك ءوزىڭىز بولدىڭىز», – دەپ جازادى اۆتور.
* * *
قكپ وك ساياسي بيۋرو مۇشەسى, قحر شىڭجاڭ-ۇيعىر اۆتونوميالىق اۋدانىنىڭ پارتيا كوميتەتىنىڭ حاتشىسى چ.چۋنسيان قازاقستان پرەزيدەنتىنىڭ كۇش-جىگەرى ارقاسىندا ەكى ەلدىڭ اراسىنداعى دوستىق قاتىناستار ۇزدىكسىز نىعايىپ كەلە جاتقانىن اتاپ وتكەن.
«قازاقستانعا شىن جۇرەكتەن بارلىق سالادا ءوسىپ-وركەندەۋىن, ال ونىڭ حالقىنا ءسىزدىڭ باسشىلىعىڭىزبەن باق-بەرەكە تىلەيمىن», – دەلىنگەن قۇتتىقتاۋدا.
* * *
قحر شىڭجاڭ-ۇيعىر اۆتونوميالىق اۋدانىنىڭ حالىقتىق ۇكىمەتىنىڭ توراعاسى ش.زاكەر قازاقستان پرەزيدەنتىن قايتا سايلانۋىمەن قۇتتىقتاپ, قازاقستان مەن قىتايدىڭ ساياسي جانە ستراتەگيالىق ىقپالداستىعى نىعايىپ كەلە جاتقانىن اتاپ وتكەن.
«ءبىز حالىقتارىمىزدىڭ يگىلىگى جولىنداعى ەكىجاقتى قارىم-قاتىناستاردى دامىتۋدا ناقتى ناتيجەلەرگە جەتۋ ءۇشىن جىبەك جولىنىڭ ەكونوميكالىق بەلدەۋىن قۇرۋ اياسىنداعى ىنتىماقتاستىقتى ءسىزدىڭ ەلمەن بىرگە جاڭاشىلدىق پەن تالپىنىس رۋحىندا ودان ءارى نىعايتۋعا دايىنبىز», – دەپ جازادى اۆتور.
* * *
گەرمانيا بۋندەستاگىنىڭ دەپۋتاتى, ەۋروپا كەڭەسىنىڭ پارلامەنتتىك اسسامبلەياسىنداعى گەرمانيا دەلەگاتسياسىنىڭ باسشىسى ا.فيشەر نۇرسۇلتان نازارباەۆتى قازاقستان پرەزيدەنتى لاۋازىمىنا قايتا سايلانۋىمەن قۇتتىقتادى.
«قازاقستان ازاماتتارى كورسەتكەن سەنىم – ءسىزدىڭ الداعى سىن-قاتەرلەردى ەڭسەرۋدەگى ەڭبەگىڭىزدى مويىنداۋدىڭ ايعاعى. ءسىزدىڭ سايلاۋداعى ايقىن جەڭىسىڭىز سوڭعى جىلدارى اتقارعان جۇمىسىڭىزدىڭ دا مويىندالۋى بولىپ سانالادى», – دەلىنگەن حاتتا.
* * *
رەسەي فەدەراتسياسى كاراچاي-چەركەس رەسپۋبليكاسى حالىقتىق جينالىسى (پارلامەنتى) توراعاسىنىڭ ورىنباسارى ر.حابوۆ نۇرسۇلتان نازارباەۆقا ەلدى بەلسەندى تۇردە الەۋمەتتىك-ەكونوميكالىق دامىتۋعا باعىتتالعان جەمىستى جۇمىسىنىڭ بيىك بەدەل اكەلگەنىن ايتادى.
«ءسىزدىڭ الىستى بولجاعان باسشىلىعىڭىزدىڭ ارقاسىندا قازاقستان بارلىق سالادا كەرەمەت جەتىستىكتەرگە جەتىپ, قارقىندى دامىپ كەلە جاتقان مەملەكەتتەر قاتارىنان لايىقتى ورىن الدى», – دەلىنگەن جەدەلحاتتا.
* * *
يسپانيانىڭ بۇرىنعى سىرتقى ىستەر جانە ىنتىماقتاستىق ءمينيسترى م.موراتينوس قازاقستان ازاماتتارى ءوز پرەزيدەنتىنە تاعى دا ەلىن حالىقارالىق قوعامداستىقتىڭ مەيلىنشە وزىق جانە زاماناۋي مەملەكەتتەرى قاتارىنا قوسۋى ءۇشىن قالتقىسىز سەنىم ارتقانىن اتاپ وتكەن.
«ءسىزدىڭ ارقاڭىزدا قازاقستان ەكونوميكاسى الەمدەگى ەڭ قارقىندى دامىعان ەكونوميكانىڭ ءبىرى بولارىنا سەنىمدىمىن. سونداي-اق, قازاقستان حالقىن سايلاۋ ۇدەرىسىنىڭ ۇلگى تۇتارلىقتاي وتۋىمەن جانە حالىقارالىق بايقاۋشىلار ميسسياسى تاراپىنان جوعارى باعا الۋىمەن قۇتتىقتاعىم كەلەدى», – دەلىنگەن جەدەلحاتتا.
* * *
«مارۋبەني كورپورەيشن» جاپون كومپانياسى باسقارماسىنىڭ توراعاسى ت.اسادا نۇرسۇلتان نازارباەۆتىڭ قازاقستاندى جانە ونىڭ حالقىن بۇدان دا ۇلكەن ءوسىپ-وركەندەۋگە الىپ كەلەتىنىنە, سونداي-اق, جاپونيامەن دوستىق قارىم-قاتىناستى دامىتۋعا ىقپال ەتەتىنىنە سەنىم بىلدىرگەن.
* * *
«تويوتا» كومپانياسى باسقارماسىنىڭ توراعاسى د.شيميزۋ ءوز قۇتتىقتاۋىندا نۇرسۇلتان نازارباەۆتىڭ شەبەر باسشىلىعىمەن قازاقستان تاڭداندىرارلىقتاي دامۋ قارقىنىنا قول جەتكىزگەنىن ايتادى.
* * *
قىرعىزستان حالقى اسسامبلەياسى كەڭەسىنىڭ مۇشەلەرى ءوز قۇتتىقتاۋلارىندا ەتنوسارالىق قارىم-قاتىناستىڭ قازاقستاندىق مودەلى بۇگىندە كوپەتنوستى مەملەكەتتەر ءۇشىن جارقىن ۇلگىنىڭ ءبىرى بولىپ وتىرعانىن ايتادى.
«قازاقستان بۇكىل الەمگە ەلدىڭ مەملەكەتتىك-كونفەسسيالىق قارىم-قاتىناستى تابىستى ورناتىپ, ەتنوسارالىق قارىم-قاتىناستى دامىتا وتىرىپ, سونىمەن ءبىر مەزگىلدە مەملەكەت قۇرۋ ماسەلەلەرىن دە شەشە الاتىنىن كورسەتتى», – دەپ جازادى اۆتورلار.
* * *
وتتو بەنەكە اتىنداعى قور پرەزيدەنتى ل.-ت.لەمپەر نۇرسۇلتان نازارباەۆتىڭ باسشىلىعىمەن قازاقستان زور جەتىستىكتەرگە جەتكەنىن, ولاردىڭ قاتارىندا الەمدىك قوعامداستىق مويىنداعان سىرتقى ساياسات, يندۋستريالىق-يننوۆاتسيالىق دامۋ, ەتنوسارالىق كەلىسىم, جەمىستى ەكونوميكالىق رەفورمالار جانە حالىقتىڭ ءال-اۋقاتىن جاقسارتۋ ماسەلەلەرى بار ەكەنىن ايتتى. سونداي-اق, ول مەملەكەت باسشىسىنا اماندىق جانە بەلگىلەنگەن بارلىق جوسپارىن جۇزەگە اسىرۋ ىسىنە تابىس تىلەدى.
* * *
قولداۋ لەبىزىن كاۆكاز مۇسىلماندارى باسقارماسىنىڭ توراعاسى, تمد ءدىنارالىق كەڭەسىنىڭ تەڭتوراعاسى ا.پاشا-زادە دە جولداپ, نۇرسۇلتان نازارباەۆتىڭ ارقاسىندا قازاقستان دىنارالىق ديالوگتىڭ الدىڭعى كوشىنەن بەرىك ورىن الىپ وتىرعانىن اتاپ وتكەن.
«ءسىزدىڭ باستاماڭىزبەن قازاقستان وزىنە ءتۇرلى الەمدىك جانە ءداستۇرلى دىندەر مەن كونفەسسيالار كوشباسشىلارى اراسىنداعى ديالوگتى ىلگەرىلەتۋ جاۋاپكەرشىلىگىن الدى, بۇل, كۇمانسىز, ونىڭ الەمدىك ارەناداعى بەدەلىن ودان دا ارتتىرا ءتۇستى», – دەلىنگەن جەدەلحاتتا.
* * *
ءۇندىستان عىلىمي ينستيتۋتىنىڭ ديرەكتورى س.داۆە ءبىزدىڭ ەل قازاقستان پرەزيدەنتىنىڭ باسشىلىعىمەن رەفورمالاردى جۇزەگە اسىرۋ, دامۋ جانە ءوسىپ-وركەندەۋ جولىمەن ءجۇرىپ كەلە جاتقانىنا توقتالعان.
ءۇندىستاننان زورواستريزم توبىنىڭ جەتەكشىسى ح.دحاللا نۇرسۇلتان نازارباەۆتىڭ بيىك بەدەلىن, سونداي-اق, ونىڭ الەمدەگى يادرولىق قاۋىپسىزدىكتى قامتاماسىز ەتۋگە قوسقان ەرەكشە ۇلەسىن اتاپ وتكەن.
* * *
«ۆوزروجدەنيە» عىلىمي-اعارتۋشىلىق ورتالىعىنىڭ ديرەكتورى ا.كۋزنەتسوۆ وتكەن سايلاۋدا قازاقستاندىقتار كەپىلدەندىرىلگەن بەيبىت بولاشاقتى, تۇراقتىلىق پەن ءوز ەلىنىڭ ءوسىپ-وركەندەۋ جولىن تاڭداعانىن اتاپ ءوتتى.
«ءسىزدىڭ سارا باسشىلىعىڭىزبەن قازاقستان رەسپۋبليكاسى قىسقا مەرزىم ىشىندە تامساندىرارلىق ناتيجەلەرگە قول جەتكىزدى جانە الەمنىڭ باسەكەگە قابىلەتتى 50 ەلىنىڭ قاتارىنا كىردى. بىزدەر, ۋكرايندىقتار, ەلدىڭ وڭتۇستىك-شىعىسىنداعى قاقتىعىستى رەتتەۋدەگى ءسىزدىڭ جەكە ۇلەسىڭىزدى, قازاقستاننىڭ كورسەتكەن قارجىلىق جانە گۋمانيتارلىق كومەگىن وتە جوعارى باعالايمىز», – دەپ جازادى اۆتور.
* * *
بالالاردىڭ «دەتسكايا ۆسەلەننايا» قوعامدىق ۇيىمىنىڭ پرەزيدەنتى ۆ.ماگدا قازاقستاندا جاس بۋىن ءۇشىن بارلىق مۇمكىندىكتەر جاسالعانىنا نازار اۋداردى.
«وتباسى سەكىلدى, مەملەكەتتىڭ دە ۇلىلىعى مەن قۇدىرەتى بالادان باستالادى. ءسىز ءاردايىم جاستار بولاشاعىمىزدىڭ تىرەگى ەكەنىن ايتاسىز. «قازاقستان-2050» ستراتەگياسى, «نۇرلى جول» جانە باسقا باعدارلامالار باقىت پەن وتباسىلىق باقۋاتتىلىقتى, تۇراقتىلىق پەن كەلىسىمدى كوزدەيدى», – دەلىنگەن حاتتا.
* * *
فرانتسۋز رەجيسسەرى ر.گەزەلباش مەملەكەت باسشىسىن پرەزيدەنتتىك سايلاۋدىڭ ناتيجەلەرىمەن قۇتتىقتاپ, قازاقستاندى ودان ءارى دامىتۋ ىسىندە تابىس تىلەدى.