وسى جىلدىڭ 25 اقپانىندا «وسكەمەن – استانا» رەيسى 8 ساعاتتان كوپ ۋاقىتقا كەشىكتىرىلگەنىنە قاراماستان اۋە كومپانياسى جولاۋشىلاردى ۋاقتىلى جاتىن ورىنمەن قامتىماعان, دەپ جازادى Egemen.kz.
تەك كەشكى ساعات ونعا قاراي كەزەكشى پروكۋروردىڭ ارالاسۋىنان كەيىن جولاۋشىلارعا دەمالۋ ءۇشىن ورىن بەرىلگەن. باس پروكۋراتۋرانىڭ مالىمەتىنشە, جولاۋشىلار كۇنى بويى ۇشۋ ۋاقىتىن اۋەجايدا كۇتكەن.
«شىعىس قازاقستان كولىك پروكۋراتۋراسى ازاماتتاردىڭ قۇقىقتارىنىڭ بۇزىلۋىنا دەن قويدى. تەكسەرۋ قورىتىندىسىمەن اۆياكومپانيا اكىمشىلىك جاۋاپكەرشىلىككە تارتىلدى. قر اقبتك-ءنىڭ 567-بابىنىڭ 2-بولىگىمەن 1000 اەك مولشەرىندە ايىپپۇل سالىندى», دەلىنگەن باس پروكۋراتۋرا حابارلاماسىندا.
ەسكە سالايىق, 2025 جىلى 1 اەك - 3932 تەڭگە بولىپ بەكىتىلگەن.