اقتوبە وبلىسىندا الەۋمەتتىك ماڭىزى بار نىساندار قۇرىلىسىنا باعىتتالعان اۋقىمدى جوبا جۇزەگە اسىرىلىپ جاتىر. مەملەكەت باسشىسىنىڭ تاپسىرماسىنا سايكەس, ەل قازىناسىنا قايتارىلعان زاڭسىز يەمدەنىلگەن اكتيۆتەر ەسەبىنەن ايماقتاعى مەديتسينالىق ينفراقۇرىلىمدى دامىتۋعا 1,4 ملرد تەڭگە ءبولىندى, دەپ حابارلايدى Egemen.kz.
بۇل قارجى 11 نىساننىڭ – فەلدشەرلىك-اكۋشەرلىك پۋنكتتەر, مەديتسينالىق پۋنكتتەر جانە دارىگەرلىك امبۋلاتوريالار قۇرىلىسىنا جۇمسالادى.
2025 جىلى فەلدشەرلىك-اكۋشەرلىك پۋنكتتەر:
ىرعىز اۋدانىنىڭ نۇرا اۋىلىندا; بايعانين اۋدانىنىڭ نوعايتى اۋىلىندا بوي كوتەرمەك.مەديتسينالىق پۋنكتتەر:
شالقار اۋدانىنىڭ شوقىسۋ; سارىساي, توعىز اۋىلدارىندا; مۇعالجار اۋدانىنىڭ جارىق اۋىلىندا; قوبدا اۋدانىنىڭ بەگالى اۋىلىندا; ىرعىز اۋدانىنىڭ جارما اۋىلىندا سالىناتىن بولادى.ال دارىگەرلىك امبۋلاتوريالار: مۇعالجار اۋدانىنىڭ قايىڭدى, مۇعالجار اۋىلدارىندا جانە العا اۋدانىنىڭ مارجانبۇلاق اۋىلىندا اشىلادى.
ايتا كەتەيىك, جاڭا نىساندار تاۋلىگىنە 25-45 كەلۋشىگە قىزمەت كورسەتۋگە ەسەپتەلگەن. بۇل – شالعاي ەلدى مەكەندەردەگى حالىقتىڭ ساپالى ءارى قولجەتىمدى مەديتسينالىق قىزمەتكە قول جەتكىزۋ مۇمكىندىگىن ەداۋىر ارتتىرادى.