WBA (Super), IBO ي WBC (Interim) تۇجىرىمدارى بويىنشا ورتا سالماقتاعى الەم چەمپيونى گەننادي گولوۆكين ءوزىنىڭ جاتتىعۋ لاگەرىنە ورالىپ, 17 تامىزدان باستاپ جاتتىعۋلارىنا كىرىسەدى. بۇل تۋرالى ونىڭ باپكەرى ابەل سانچەس حابارلادى.
«ءبىزدىڭ كەلەسى جەكپە-جەك 17 قازاندا وتەدى. وعان دەيىن گولوۆكينگە تىنىققان ءجون», – دەدى بوكسشىنىڭ جەكە باپكەرى.
ەسكە سالار بولساق, 17 قازان كۇنى نيۋ-يوركتەگى اتاقتى Madison Square Garden سارايىندا وتەتىن جەكپە-جەكتە گەن-
نادي گولوۆكين قانادالىق بىلعارى قولعاپ شەبەرى, IBF تيتۋلىنىڭ يەگەرى داۆيد لەمەمەن جۇدىرىق تۇيىستىرەدى. اتالعان جەكپە-جەك HBO تەلەارناسى ارقىلى كورسەتىلەدى. قازاقستاندىق سپورتسۇيەر قاۋىم بۇل ايقاستى «قازاقستان» تەلەارناسىنان تىكەلەي ەفيردە تاماشالاي الادى.
ازىرگە كاسىبي رينگتە جەڭىلىستىڭ اششى ءدامىن تاتپاعان گولوۆكيننىڭ ۇلەسىندە 33 جەڭىس بار جانە ول ونىڭ 30-ىن نوكاۋتپەن اياقتادى. ال لەمە بولسا, 34 رەت جەڭىسكە جەتىپ (31 نوكاۋت), ەكى جەكپە-جەكتە عانا قارسىلاستارىنا ەسە جىبەرگەن.
قايرات ءابىلدينوۆ,
جۋرناليست.
قاراعاندى.